Надрукавалі кнігу ў Расіі.
Упершыню твор быў надрукаваны ў беларускім маладзёжным часопісе «Маладосць», на рускай мове праз год — у часопісе «Новый мир». У 1960-я і пазней, у 1970-я, гады аповесць не аднойчы, мякка кажучы, «прапрацоўвалі», нагадвае «Звязда».
Непрыняцце афіцыйнай крытыкай і ідэялагічным начальствам было звязана з вострай пастаноўкай пытання чалавечага выбару, праўдзівага адлюстравання складаных, як гераічных, так у адначассе і драматычных падзей. І ўсё ж «Мёртвым не баліць» — аповесць, якая ўжо болей паўвека хвалюе чытача, непакоіць свядомасць, прымушае думаць, прымушае шукаць як мастацкую, так і жыццёвую праўду.
Чарговае выданне «Мёртвым не баліць» ажыццявіла мінскае выдавецтва «Попурри». Тыраж — 2500 экзэмпляраў. Аддрукавана кніга ў Першай узорнай друкарні» у Расіі, дакладней — у яе філіяле «Чэхаўскі Друкаваны Двор».
Афармленне вокладкі, дасціпнае і разам з тым хвалюючае, эмацыйна прыцягальнае, належыць Анатолю Лазару.
Набыць кнігу Васіля Быкава «Мёртвым не баліць» можна ў кнігарнях ААТ «Белкніга» па ўсёй краіне, а таксама — у Мінску ў кнігарні «Акадэмкніга» па адрасе: праспект Незалежнасці, 72.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары
Першыя хоць жлуктанулі з таго жбанка, а другіе ад любові да гермэсава злодзейскага мастацтва.