Даследаванне ДНК ахвяр вывяржэння ў Пампеях разбурыла прыгожую легенду пра маці з дзіцем
Выявілася, што яны не сваякі, а «маці» — нават не жанчына.
Навукоўцы расшыфравалі ДНК з костак пяці жыхароў Пампеяў, якія загінулі ў выніку катастрафічнага вывяржэння Везувія ў 79 годзе. Артыкул з вынікамі даследавання быў апублікаваны ў Current Biology.
Даследаванне дазволіла высветліць падрабязнасці пра пол, паходжанне і сямейныя сувязі гэтых пяці ахвяр катаклізму і абвергла ўстойлівыя ўяўленні, якія грунтаваліся на памылковых або недастатковых даных.
Напрыклад, была развенчана прыгожая легенда пра маці, якая загінула з дзіцем на руках. Аналіз ДНК паказаў, што шкілет належаў мужчыну, які не меў сваяцкай сувязі з дзіцем. Яго лічылі жанчынай з-за складанага залатога бранзалета на руцэ.
З пачатку раскопак руін Пампеяў у XVIII стагоддзі было зроблена больш за 100 слепкаў цел ахвяр шляхам залівання вадкага гіпсу ў пустоты, якія засталіся пасля разбурэння мяккіх тканак. У многіх з гэтых слепкаў добра захаваліся фрагменты костак.
Па гэтых фрагментах навукоўцы здолелі часткова або цалкам аднавіць геном пяці загінулых. Усе яны былі мужчынамі — нашчадкамі імігрантаў з усходняга Міжземнамор’я.
Дадаткова ўстаноўлены падрабязнасці адносін паміж загінулымі. Напрыклад, рэшткі чалавека з бранзалетам, які трымаў на руках дзіця, былі знойдзены разам з двума іншымі. Да гэтага часу лічылася, што яны належалі адной сям'і, але аналіз ДНК не выявіў сваяцтва паміж імі.
Іншая інтэрпрэтацыя, якая таксама аспрэчваецца новымі данымі, датычыцца двух людзей, якія загінулі ў абдымках. Раней лічылася, што гэта альбо сёстры, альбо маці і дачка, але генетычны аналіз паказаў, што прынамсі адзін з іх быў мужчынам.
«Гэтае даследаванне нагадвае нам, што існуюць міфы, якія сапраўды неабходна развенчваць», — пракаментаваў археолаг Стывен Эліс з Універсітэта Цынцынаці ў ЗША, які кіраваў раскопкамі ў Пампеях.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос23
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
неПох
мужычкі, як правіла, горш, чым жанчыны
яшчэ і таму, што баяцца гэта прызнаць
па ходу чувак занімаўся нейкай фікультурай