Грамадства33

Міхаіл Гуцэрыеў пацвердзіў нацыяналізацыю «Слаўкалія» і сказаў пра «завісанне» сваіх паўмільярда даляраў

У інтэрв'ю выданню Forbes Talk расійскі мільярдэр Міхаіл Гуцэрыеў пацвердзіў нацыяналізацыю ў Беларусі кампаніі «Слаўкалій», у праект якой ён быў істотна заангажаваны. А таксама панаракаў, што выдаткаваныя на будаўніцтва $500 млн яму пакуль яшчэ не вярнулі.

Міхаіл Гуцэрыеў. Фота: Contributor/Getty Images

«Пасля санкцый амерыканскіх на калій, на «Слаўкалій» я вымушаны быў яго як бы пакінуць, спыніць будаўніцтва цалкам. Усе фінансавыя сродкі, якія мы інвеставалі, там наша частка — паўмільярда даляраў. Усё гэта застыла, калі гэта вернецца, невядома», — заявіў Гуцэрыеў.

«Слаўкалій» рэалізаваў інвестыцыйны праект па будаўніцтве Нежынскага горна-абагачальнага камбіната, у які група Гуцэрыева «Сафмар» уклала $500 млн. У праекце таксама ўдзельнічаў Дзяржаўны банк развіцця Кітая, укладанні, па словах Гуцэрыева, склалі $1 млрд.

«А потым амерыканскія былі санкцыі, непасрэдна на калійную вытворчасць Беларусі. І само гэта беларускае прадпрыемства, таму кітайцы адмовіліся фінансаванне далей працягваць. Мы таксама спынілі, і гэта ўсё так застыла», — расказаў Гуцэрыеў.

На пытанне, які статус у праекта цяпер, бізнэсмен адказаў, што «гэта адыходзіць усё беларускай дзяржаве».

Хто будзе далей развіваць праект і як, Гуцэрыеў адказаць не змог:

«Мне гэта нецікава ўжо. Я страціў цікавасць да гэтага праекта. Мы прасвідравалі дзве шахты, адну 800, адну 600 метраў. Мы зрабілі там трохкіламетровыя тунэлі. Мы практычна дайшлі да 70% вырашэння праблемы. Мы пабудавалі камбінат горна-абагачальны, пабудавалі ГАК. Мы ўжо нават мэблю закупілі ў адміністрацыйныя будынкі. Павінны былі дабудаваць сёлета».

Што да ўкладзеных грошай, то пытанне іх вяртання

«гэта пытанне перамоў. Пакуль ніякіх грошай я не атрымаў назад. І ўсё, мае грошы як бы завіслі, іх няма. Бывае такое, нічога страшнага».

Гуцэрыева ўключылі ў санкцыйны спіс Еўрасаюза ў сувязі з сітуацыяй у Беларусі. У афіцыйным дакуменце ЕС сцвярджалася, што мільярдэр — «даўні сябар» Аляксандра Лукашэнкі, што дазволіла яму «назапасіць значны капітал і ўплыў сярод палітычнай эліты Беларусі». ЕС таксама заявіў, што Гуцэрыеў «падтрымліваў Лукашэнку ў спрэчках з Расіяй у пастаўках нафты». 

У 2021 годзе Гуцэрыеў пасля ўвядзення адносна яго санкцый перадаў свайму брату Саіт-Саламу кантроль над акцыянерам «Слаўкалія» — брытанскай GCM Global Energy. 

Каментары3

  • VRBO
    25.11.2024
    Пакуль не вярнулі? Ён разлічвае,што вернуць? 🤣🤣🤣🤣
  • Ганьба
    25.11.2024
    This is fine - мем з сабачкам на пажары.
  • Скажыце мне,
    25.11.2024
    Санкцыі "заганяюць Беларусь ў Расію"?
    Ці ратуюць Беларусь ад Расіі, ад расійскіх алігархаў, робяць Беларусь нецікавай для прыхватызаціі?

Цяпер чытаюць

На вуліцы Матусевіча ў Мінску побач з дзіцячым садком упаў беспілотнік20

Грамадстваабноўлена20

На вуліцы Матусевіча ў Мінску побач з дзіцячым садком упаў беспілотнік

Усе навіны →
Усе навіны

У ДТЗ пад Варшавай загінуў беларус1

У Брэсце заўважылі адразу чатырох ліс у адным месцы. Там жа быў і кот2

Неўзабаве маюць з'явіцца новыя банкноты еўра. Яны ўжо выклікалі польска-французскія спрэчкі22

Паліцыя Гданьска пракаментавала самазабойства былога ваяра Ягора Іспянькова

У Мінску пахавалі Змітра Каспяровіча1

У Брэсце пры саветах яўрэйскія могілкі закаталі пад стадыён. Цяпер там адкрылі першы ў краіне лапідарый. Але хто зруйнаваў могілкі, хаваюць12

Трамп сказаў, што расчараваны ў Пуціне і скарачае тэрмін ультыматуму18

«Гендырэктар не мяняў пароль з 2022 года». Беларускія кіберы расказалі падрабязнасці атакі на серверы «Аэрафлоту»21

ФК «Славія» расказаў пра стан заўзятара, які ўчора зваліўся з трыбуны

больш чытаных навін
больш лайканых навін

На вуліцы Матусевіча ў Мінску побач з дзіцячым садком упаў беспілотнік20

Грамадстваабноўлена20

На вуліцы Матусевіча ў Мінску побач з дзіцячым садком упаў беспілотнік

Галоўнае
Усе навіны →

Заўвага:

 

 

 

 

Закрыць Паведаміць