Мядзведзеў заявіў пра магчымую акупацыю новых рэгіёнаў суседніх краін
Намеснік старшыні Рады бяспекі РФ Дзмітрый Мядзведзеў лічыць магчымым з'яўленне ў складзе Расіі новых рэгіёнаў.
На з'ездзе партыі «Адзіная Расія» Мядзведзеў закрануў пытанне развіцця акупаваных Расіяй украінскіх тэрыторый — Данецкай, Луганскай, Запарожскай і Херсонскай абласцей.
«Трэба зрабіць так, каб патэнцыял гэтых рэгіёнаў быў рэалізаваны ў поўнай меры. Будзем займацца гэтым у рамках Народнай праграмы, у якую ўключаны раздзел «Развіццё новых рэгіёнаў».
Дарэчы, гэты досвед можа быць запатрабаваны і далей, у выпадку, калі ў складзе нашай краіны яшчэ з'явяцца новыя, але вельмі блізкія нам рэгіёны», — сказаў ён і сарваў апладысменты.
Што менавіта ён меў на ўвазе, невядома.
30 верасня 2022 года Уладзімір Пуцін падпісаў дамовы аб далучэнні ўкраінскіх рэгіёнаў да Расіі. Ён заявіў, што жыхары Данбаса, Херсонскай і Запарожскай абласцей «становяцца грамадзянамі РФ назаўжды».
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім15
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары