Каманда Трампа разглядае варыянты як змякчэння, так і ўзмацнення санкцый адносна Расіі
Паводле звестак выдання Bloomberg, цяпер у камандзе абранага прэзідэнта ЗША Дональда Трампа разглядаюць два падыходы, пры дапамозе якіх можна прымусіць Расію да заканчэння баявых дзеянняў ва Украіне.
Як даведаўся Bloomberg, у выпадку, калі адміністрацыя Трампа палічыць, што вайна ва Украіне блізкая да завяршэння, ЗША будуць гатовыя пайсці на саступкі ў адносінах да расійскага нафтавага сектара. У прыватнасці, чыноўнікі разглядаюць магчымасць працягвання ліцэнзій вытворцаў або павышэння цэнавай столі на расійскую нафту.
У адваротным выпадку каманда Трампа збіраецца ўзмацніць санкцыйны ціск. Паводле крыніц Bloomberg, гаворка можа ісці пра санкцыі супраць еўрапейскіх грузаадпраўшчыкаў і пакупнікоў нафты з Азіі — кампаній з Кітая і Індыі. Пакуль што стратэгія санкцыйнага ціску знаходзіцца на ранняй стадыі распрацоўкі.
Да якога з двух падыходаў схіляецца сам Трамп — невядома.
Падыход, які ўрэшце абярэ Трамп, будзе мець вырашальнае значэнне для сусветнага рынку нафты. Ф'ючэрсы нафты маркі Brent ужо падаражэлі амаль на 5 даляраў за барэль з моманту абвяшчэння пра новыя санкцыі. Некаторыя аналітыкі чакаюць далейшага росту, што прывядзе да павышэння кошту паліва ва ўсім свеце.
«Ранні барометр таго, як каманда Трампа спраўляецца з санкцыямі супраць Расіі, з'явіцца ў сярэдзіне сакавіка, калі скончыцца тэрмін дзеяння генеральнай ліцэнзіі, якая дазваляе згортванне закупак расійскіх энерганосьбітаў. Калі Міністэрства фінансаў дапусціць заканчэнне тэрміну дзеяння выключэння па некаторых транзакцыях, гэта можа ўзмацніць ціск на Крэмль», — гаворыцца ў публікацыі.
10 студзеня адміністрацыя цяперашняга прэзідэнта ЗША Джо Байдэна ўвяла самыя строгія з пачатку вайны санкцыі супраць расійскага нафтавага сектара. Пад абмежаванні трапілі «Газпрам нафта», «Сургутнафтагаз», звыш 180 суднаў «ценявога флоту» і іншыя кампаніі.
Байдэн у развітальным звароце да нацыі папярэдзіў аб магчымым захопе ўлады алігархіяй, якая пагражае дэмакратыі
Трамп не плануе пакідаць Кіеў без падтрымкі, бо баіцца новага Афганістана
Белы дом аб'явіў пра ўвядзенне самых маштабных санкцый супраць расійскага энергетычнага сектара
Пяскоў: Сустрэча Пуціна і Трампа будзе магчымай пасля інаўгурацыі амерыканскага прэзідэнта
Мільярдэры, замежныя госці і экс-прэзідэнты: хто будзе прысутнічаць на інаўгурацыі Трампа
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары