Міністр замежных спраў Літвы назваў «небяспечна памылковай» ідэю аднаўлення імпарту расійскага газу дзеля міру ва Украіне
Міністр замежных спраў Літвы Кястуціс Будрыс назваў небяспечнымі ідэі пра магчымае аднаўленне імпарту Еўропай расійскага газу як спосаб падштурхнуць Расію да «мірных перамоў», якія нядаўна з'явіліся ў заходніх СМІ. Пра гэта ён напісаў у сацсетцы X.
Па словах Будрыса, ідэя аб аднаўленні імпарту расійскага газу краінамі Еўропы як нібыта рычаг уплыву на «мірныя перамовы» па Украіне, з'яўляецца «небяспечна памылковай».
«Еўропа даведалася на ўласным досведзе, што расійскі газ — гэта больш, чым проста тавар, гэта геапалітычная зброя… Нават разважанні пра вяртанне да імпарту расійскага газу цяпер былі б гістарычнай памылкай», — падкрэсліў Кястуціс Будрыс.
Кіраўнік МЗС Літвы нагадаў, як Масква не раз выкарыстоўвала пагрозы спыніць пастаўкі энерганосьбітаў і нават ажыццяўляла іх. І толькі поўнамаштабнае ўварванне Расіі ва Украіну заахвоціла Еўропу нарэшце пачаць дзейнічаць і пазбаўляцца ад залежнасці ад расійскіх рэсурсаў.
«Еўропа павінна прытрымлівацца правільнага курсу: не пускаць расійскі газ, узмацніць санкцыі супраць расійскага энергетычнага сектара, падтрымаць Украіну і інвеставаць у доўгатэрміновую энергетычную бяспеку. Любыя іншыя дзеянні былі б крокам назад», — падсумаваў Будрыс.
Раней выданне Financial Times паведаміла, што еўрапейскія чыноўнікі нібыта пачалі абмяркоўваць ідэю магчымасці вяртання да закупак газу ў Расіі ў рамках патэнцыйнага ўрэгулявання вайны ва Украіне.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў11
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх21
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары