ХАМАС абвінаваціў Ізраіль у парушэнні пагаднення і адклаў далейшае вызваленне закладнікаў
Прадстаўнік палесцінскага руху ХАМАС 10 лютага абвінаваціў Ізраіль у парушэнні пагаднення аб спыненні агню, у тым ліку ў нанясенні авіяўдараў па палесцінцам у сектары Газа. Ён заявіў, што чарговае вызваленне закладнікаў, прызначанае на наступную суботу, будзе адкладзенае, піша Euronews.
«На працягу апошніх трох тыдняў мы назіралі пастаянныя парушэнні ўмоў пагаднення з боку праціўніка, — напісаў у сваім тэлеграм-канале прадстаўнік вайсковага крыла ХАМАСа — групоўкі «Брыгады Ізэдзіна аль-Касама» Абу Убайда. — У сувязі з гэтым мы вырашылі адкласці вызваленне палонных, якія павінны былі быць адпушчаныя 15 лютага, да далейшага паведамлення. Ізраіль павінен прытрымлівацца нормаў пагаднення і кампенсаваць шкоду, прычыненую ім за апошнія тыдні».
Ізраіль і ХАМАС знаходзяцца ў рэжыме шасцітыднёвага спынення агню, падчас якога палесцінская групоўка вызваляе дзясяткі закладнікаў, захопленых падчас нападу 7 кастрычніка 2023 года, у абмен на амаль 2 000 палесцінскіх зняволеных.
З моманту ўступлення ў сілу перамір'я ў мінулым месяцы бакі правялі пяць абменаў. За гэты час быў вызвалены 21 закладнік і больш за 730 зняволеных. Наступны абмен быў запланаваны на суботу: вызваленне трох ізраільскіх закладнікаў у абмен на сотні палесцінскіх зняволеных.
Абу Убайда, які абвінаваціў Ізраіль у сістэматычных парушэннях пагаднення, засведчыў, што яны
«ўключаюць у сябе затрымкі з дазволам перамешчаным палесцінцам вярнуцца ў паўночную частку Газы, авіяўдары і абстрэлы розных раёнаў сектара, а таксама няздольнасць садзейнічаць дастаўцы гуманітарнай дапамогі ў адпаведнасці з дамоўленасцямі».
Ізраіль адвёў войскі з ключавога калідора ў сектары Газа
ХАМАС перадаў чарговых трох закладнікаў Ізраілю
«Каб апынуцца ў бамбасховішчы, у цябе 6 секунд». Беларуска распавяла пра валанцёрства ў Ізраілі, у тым ліку побач з Газай
Трамп прапанаваў перасяліць уцекачоў з Газы ў Марока ці Самалі
ХАМАС адпусціў яшчэ двух ізраільцян. Сярод іх — бацька рудых хлопчыкаў, якія сталі сімвалам трагедыі 7 кастрычніка
ХАМАС вызваліў яшчэ семярых закладнікаў. Гэта двое грамадзян Ізраіля і пяць замежнікаў
Цяпер чытаюць
«Пакінулі на некалькі гадзін аднаго на вакзале». Мужчына памёр пасля падзення з вышыні на працы1
«Пакінулі на некалькі гадзін аднаго на вакзале». Мужчына памёр пасля падзення з вышыні на працы
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары