СК адрэагаваў на данос Ціманоўскай і будзе правяраць яе былога мужа на «экстрэмізм»
СК выпусціў адмысловае паведамленне, дзе адказаў на завочную заяву Крысціны Ціманоўскай, якая ў сацсетках распавяла пра выхады на пратэсты ў 2020 годзе былога мужа і тэгнула пры гэтым акаўнты сілавікоў.
«Па дадзеных следства, у лютым бягучага года ў сетцы інтэрнэт, у тым ліку ў сацыяльных сетках, з'явілася інфармацыя аб тым, што ў Беларусі знаходзіцца Арсеній Зданевіч, які, зыходзячы з тэкстаў публікацый, прымаў удзел у экстрэмісцкіх акцыях, накіраваных на дыскрэдытацыю Рэспублікі Беларусь і дзеючай улады, выкарыстаў адпаведную сімволіку і здзяйсняў іншыя дзеянні, накіраваныя на распальванне сацыяльнай варожасці і варожасці. Карыстальнікі сеціва спасылаюцца на крыніцу ў асобе былой жонкі А. Зданевіча — удзельніцы аднаго з экстрэмісцкіх фармаванняў К. Ціманоўскай, якая цяпер знаходзіцца за межамі Беларусі», — піша СК.
Паводле СК, разглядаецца пытанне аб «магчымым прыцягненні Зданевіча» да адказнасці.
Днямі Ціманоўская апублікавала сторыс, дзе расказала пра былога мужа, які паехаў у Беларусь: «Па-першае, ён атрымаў у Польшчы польскае грамадзянства праз подпіс прэзідэнта за 9 месяцаў, таму што з'яўляецца палітычным уцекачом і пры падачы на грамадзянства пазначыў у анкеце, што яму небяспечна вяртацца ў Беларусь. Па-другое, ён даваў шмат інтэрв'ю супраць улады, а таксама ў яго было шмат сторыс пра 2020, выбары, мітынгі і вайну ва Украіне. Па-трэцяе, разам са мной ён хадзіў на мітынгі ў Польшчы і насіў БЧБ-сцяг».
Крысціна тэгнула ў сваіх сторыс акаўнты МУС Беларусі, а таксама памежнай службы.
На пытанне «Люстэрка», ці не будзе бягуха сябе вінаваціць, калі былога мужа пасадзяць, яна адказала адмоўна.
Крысціна Ціманоўская і Арсеній Зданевіч былі разам дзевяць гадоў, з іх шэсць у афіцыйным шлюбе. У хуткім часе пасля грандыёзнага скандалу з удзелам Крысціны на Алімпіядзе ў Токіа Арсеній з’ехаў з Беларусі, палічыўшы, што яму небяспечна там заставацца.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары