Сябра Лукашэнкі Додзіка прысудзілі да года турмы ў Босніі і Герцагавіне
Додзіку таксама забаранілі на шэсць гадоў займаць пасаду прэзідэнта Рэспублікі Сербскай.
Суд Босніі і Герцагавіны прысудзіў прэзідэнта Рэспублікі Сербскай Міларада Додзіка да года турмы. Акрамя таго, палітыку забаранілі займаць пасаду прэзідэнта на тэрмін шэсць гадоў. Гэта рашэнне суда першай інстанцыі, яно можа быць абскарджанае, піша avaz.ba.
Додзіка абвінавацілі ў непадпарадкаванні Вярхоўнаму прадстаўніку па Босніі і Герцагавіне Крыстыяну Шміту. У 2023 годзе Народны сход Рэспублікі Сербскай (гэта частка федэрацыі Босніі і Герцагавіны) прыняў закон, паводле якога рашэнні Вярхоўнага прадстаўніка не будуць публікавацца ў «Афіцыйным весніку». Аднак перад тым, як закон уступіў у сілу, Вярхоўны прадстаўнік Крыстыян Шміт скасаваў яго.
Додзік абвясціў, што ўсё роўна падпіша ўказ аб увядзенні закона ў дзеянне. Тады Шміт унёс змены ў Крымінальны кодэкс Босніі і Герцагавіны, зрабіўшы непадпарадкаванне рашэнням Вярхоўнага прадстаўніка крымінальным злачынствам.
Нягледзячы на гэтыя рашэнні, Додзік усё ж падпісаў указ. Усяго за некалькі месяцаў два кіраўнікі «Афіцыйнага весніка» падалі ў адстаўку, але ўрэшце Мілаш Лукіч, в.а. дырэктара, апублікаваў у ім прынятыя законы. Лукіча ў выніку таксама судзілі, але апраўдалі.
Вярхоўны прадстаўнік па Босніі і Герцагавіне адказвае за рэалізацыю Дэйтанскіх мірных пагадненняў, якія завяршылі вайну. У яго даволі шырокія паўнамоцтвы: вярхоўны прадстаўнік, сярод іншага, можа звальняць любую службовую асобу, забараняць любым асобам удзельнічаць у выбарах, а таксама падпісваць часовыя абавязковыя ўказы ў выпадку, калі ўлады суб'ектаў федэрацыі не могуць дамовіцца.
Па Дэйтанскіх пагадненнях Боснія і Герцагавіна складаецца з двух аўтаномных частак — уласна баснійска-харвацкай федэрацыі і населенай сербамі Рэспублікі Сербскай.
Міларад Додзік кіраваў РС з 2010 па 2018 год, а затым вярнуўся на пасаду прэзідэнта ў 2022 годзе. Ён вядомы сваімі прарасійскімі поглядамі, акрамя таго, у яго цёплыя адносіны з Аляксандрам Лукашэнкам.
Додзік назваў Лукашэнку «жывой легендай»
Додзік патрабуе мірнага аддзялення ад Босніі і Герцагавіны. Ён прапануе план праз 30 дзён
Сярод краін, якія падтрымліваюць Украіну зброяй, ёсць і Сербія. Але не напрамую
Улады Рэспублікі Сербскай хочуць перайменаваць Срэбраніцу, каб пазбегнуць напаміну пра генацыд
Каментары
Поддержать Додика в сараевском процессе прибыли адвокат Трампа и сербы с портретами Путина
Зноў збег абставін выпадак