Вучоныя, якія вывучалі пары з бясплоднасцю, сцвярджаюць, што якасць спермы можа быць індыкатарам будучых захворванняў.
Як піша The Telegraph, дацкія вучоныя правялі даследаванне, якое ўпершыню выявіла сувязь паміж якасцю спермы і працягласцю жыцця мужчын.
Даследаванне ахапіла 78 284 мужчын, якасць спермы (аб'ем насеннай вадкасці, канцэнтрацыя сперматазоідаў, доля рухомых або актыўных сперматазоідаў нармальнай формы) якіх ацэньвалася ў перыяд з 1965 па 2015 год у дзяржаўнай лабараторыі аналізу спермы ў Капенгагене.
Усе яны праходзілі абследаванне ў сувязі з бясплоднасцю ў пары. Паколькі ў некаторых выпадках праблемы з зачаццем былі звязаныя з жанчынамі, узровень якасці спермы ў мужчын вар'іраваўся ад вельмі высокага да поўнай адсутнасці сперматазоідаў.
За 50 гадоў назірання памерлі каля 11% мужчын. Аналіз дадзеных паказаў — чым ніжэйшая якасць спермы, тым меншая чаканая працягласць жыцця. Мужчыны з самай вялікай колькасцю і самымі здаровымі сперматазоідамі жылі ў сярэднім на 2—3 гады даўжэй за тых, чыя сперма мела горшыя паказчыкі.
Гэты эфект не залежаў ад наяўнасці захворванняў на працягу 10 гадоў да аналізу спермы або ўзроўню адукацыі мужчын. Так, мужчыны, у якіх колькасць рухомых сперматазоідаў у эякуляце перавышала 120 мільёнаў, жылі ў сярэднім на 2,7 года даўжэй, чым тыя, у каго іх было ад 0 да 5 мільёнаў.
Эксперты мяркуюць, што схаваныя праблемы са здароўем, такія як генетычныя дэфекты палавых храмасом або аслаблены імунітэт, могуць быць прычынай бясплоднасці. Гэта азначае, што аналіз спермы можа служыць раннім індыкатарам магчымых захворванняў.
Далейшыя даследаванні будуць накіраваныя на выяўленне сувязі паміж нізкай якасцю спермы і смяротнасцю ад пэўных захворванняў, такіх як рак або хваробы сэрца.
Спецыялісты таксама разглядаюць акісляльны стрэс як магчымы фактар, што ўплывае і на сперматагенез, і на агульны працэс старэння. У будучыні могуць быць распрацаваныя метады прафілактыкі, накіраваныя на паляпшэнне рэпрадуктыўнага і агульнага здароўя мужчын.
Вучоныя зафіксавалі, як сперматазоіды парушаюць адзін з законаў фізікі
Сабралі ўсё, што трэба ведаць пра донарства сперматазоідаў і яйцаклетак
Інтэнсіўнасць выкарыстання мабільніка ўплывае на якасць спермы — навукоўцы
Інстытут фізіялогіі АН: У паловы беларускіх і расійскіх мужчын няякасная сперма
Навукоўцы: змяншэнне выпрацоўкі сперматазоідаў пагражае чалавецтву выміраннем
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным5
Каментары