У гродзенскай школе папрасілі не выкарыстоўваць у малюнках георгіеўскую стужку. Бондарава ў шале
У чаце адной з гродзенскіх школ, дзе праводзіцца конкурс малюнкаў да 9 мая з’явілася паведамленне ад класнага кіраўніка з заўвагай, што на малюнку не павінна быць георгіеўскай стужкі. Нейкім чынам скрыншот з чата трапіў у рукі прарасійскай даносчыцы Вольгі Бондаравай, якая нядаўна адбыла 13 сутак адміністрацыйнага арышту.
«А вось вам конкурс малюнкаў, гімназія #26, г. Гродна. Як разумець такое??? Гэта асабістая ініцыятыва нейкага цуду на ўзроўні школы, ці гэта па рэспубліцы?», — задаецца пытаннем Бондарава.
Георгіеўская стужка, якая некалі мела нейтральны характар, з сярэдзіны нулявых стала актыўна прапагандавацца пуцінскім рэжымам у Расіі, а пасля пачатку вайны з Украінай у 2014 годзе канчаткова стала ўспрымацца як сімвал «рускага свету» і расійскага імперыялізму. У сувязі з гэтым нават у лукашэнкаўскай Беларусі да яе ставіліся даволі насцярожана, у якасці альтэрнатывы спрабуючы папулярызаваць бутаньерку з яблыневым цветам у колерах афіцыйнага чырвона-зялёнага сцяга.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары