У Гродне 11-гадовая дзяўчынка атрымала траўмы, гуляючы на будаўнічых плітах
Няшчасны выпадак адбыўся ў мікрараёне Малахавічы, паведамляе мясцовы тэлеканал.
11-гадовая дзяўчынка разам з сябрамі гуляла на тэрыторыі, дзе знаходзіліся не замацаваныя бетонныя пліты. Падчас гульні дзіця паслізнулася, у выніку чаго яе нага затрымалася паміж плітамі, а пры падзенні яна ўдарылася галавой.
Першапачаткова дзяўчынка не надала значэння атрыманым траўмам і паведаміла пра здарэнне бацькам, аднак пазней дарослыя, усвядоміўшы сур’ёзнасць магчымых наступстваў, звярнуліся па медыцынскую дапамогу. Пасля абследавання дзіця змясцілі ў рэанімацыйнае аддзяленне. Зараз жыццю і здароўю дзяўчынкі нічога не пагражае.
Каментары