У Крычаве трохгадовая дзяўчынка гулялася з запальнічкай і падпаліла майку
У Крычаве 6 чэрвеня адбылася трагічная падзея — трохгадовая дзяўчынка атрымала апёкі пасля таго, як на ёй загарэлася майка.
Паводле Следчага камітэта, дзіця засталося дома без нагляду на кароткі час, пакуль маці выйшла на двор. Дзяўчынка спачатку глядзела тэлевізар, але затым пайшла на кухню, дзе, скарыстаўшыся з крэсла, дастала з шафы электразапальнічку.
Пасля вяртання ў пакой яна пачала гуляцца з прыладай. У нейкі момант з-за іскры загарэлася сінтэтычная майка, якую яна насіла. У выніку дзяўчынка атрымала апёкі і была дастаўленая ў бальніцу. Лекары ацэньваюць яе стан як сярэдняй ступені цяжкасці.
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары