Невядомыя спрабуюць наняць фатографа для здымкі прысутных на сустрэчы з Ціханоўскім у Варшаве
Невядомыя спрабуюць арганізаваць фота– і відэаздымку сустрэчы са Святланай і Сяргеем Ціханоўскімі 26 чэрвеня ў Варшаве. Аплату прапануюць у тым ліку ў крыптавалюце.
Невядомыя з нікамі «Марыя Габдуліна» і «Таццяна Лебедзева» пісалі беларусам у тэлеграме, прапаноўваючы падпрацоўку: прыйсці 26 чэрвеня а 19:00 да помніка Каперніку ў Варшаве і зняць мітынг на відэа або фота.
У перапісцы «Марыя» патлумачыла, што жыве ў Вільні і працуе пазаштатна для выдання Port. Яна сказала, што «здымкі патрэбныя для варшаўскага выдання, з аплатай у крыптавалюце ці на картку».
Але «Марыя» ў перапісцы дапускала памылкі, часам гаварыла пра сябе ў паведамленнях у мужчынскім родзе.
Іншым беларусам пісала «Таццяна Лебедзева». Яна таксама прапаноўвала прыйсці 26 чэрвеня на мітынг і зняць прысутных на відэа. За гэта прапанавала заплаціць 100 еўра.
На пытанне для каго здымкі, адказала, што для «Гуманітарнай установы «БАЗА», піша «Медыязона».
Іншаму беларусу «Лебедзева» напісала, што зняць трэба будзе для СММ-аддзела выдання Port.
Па інфармацыі «Нашай Нівы», аднаму з суразмоўцаў прапаноўвалі такія расцэнкі — 1 еўра за адну знятую асобу.
У Portmedia, выданні для расейцаў, якія пакінулі краіну, заявілі, што ні «Марыя Габдуліна», ні «Таццяна Лебедзева» не маюць дачынення да рэдакцыі, і Port не шукае ні фатографаў, ні аператараў.
Беларусы, якім пісалі прапановы пра супрацоўніцтва, апублічылі гэта, бо лічаць, што за гэтым могуць стаяць беларускія ці расійскія спецслужбы: «Перад буйнымі падзеямі беларускай апазіцыі так рэгулярна шукаюць… Стандартная схема».
-
Журналістка «Спутніка» звяртаецца да Лукашэнкі: яе сын паступіў у Вышэйшую школу эканомікі ў Маскве, а дома на яго завялі крыміналку
-
Былы супрацоўнік «Бетэры» запісаў вялікае відэа пра гэта анлайн-казіно. Цяпер у яго праблемы з міліцыяй
-
У Мінску развіталіся з паэтам Уладзімірам Карызнам, аўтарам слоў да цяперашняга дзяржаўнага гімна Беларусі
Цяпер чытаюць
«Свінні зарохкалі. Без вады даўно не сядзелі, я б ім адключыў». Азаронак абрынуўся на жыхароў раёна Лебядзіны29
Каментары
Бедны Ціханоўскі - яму яшчэ толькі трэба будзе пабачыць, куды ён выйшаў і з кім трэба будзе працаваць абок!
- Вы гендерно небинарны? - ну здесь мусора вообще поплавило