Даўжэй за ўсіх жывуць у Мінску.
Смяротнасць амаль удвая перавысіла нараджальнасць у 2024 годзе. Такія даныя апублікаваны ў зборніку «Сацыяльнае становішча і ўзровень жыцця насельніцтва Рэспублікі Беларусь» ад Белстата, звяртае ўвагу Reform.news.
Паводле звестак статыстычнага камітэта, летась у Беларусі нарадзілася 58 938 чалавек, а памерла — 115 124 чалавек.
У гарадах нарадзіліся 45,6 тысячы чалавек, а памерлі амаль 77,5 тысячы. Розніца паміж народжанымі і памерлымі заўважна большая ў сельскай мясцовасці: нарадзіліся 13 324 чалавекі, а памерлі 37 643.
Чаканая працягласць жыцця ў 2024 годзе склала ў Беларусі 74,7 года, тым ліку 69,3 года для мужчын і 79,8 года для жанчын.
Найбольшая чаканая працягласць жыцця ў Мінску. Яна складае 77,9 года, найменшая — у Віцебскай і Магілёўскай абласцях — 73,5 года.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары
Белстат обнародовал данные, согласно которым за то же время умерло -115 124.