Мультыкомплекс каля Камароўскага рынку ў Мінску плануюць дабудаваць у 2026 годзе
Будаўніцтва мультыкомплексу на месцы былога ГЦ «Пасаж» плануюць завяршыць у 2026 годзе. Пра гэта расказаў кіраўнік адміністрацыі Савецкага раёна Аляксандр Шчаковіч, пішуць Мінск-навіны.
Работы па рэканструкцыі былых заводскіх карпусоў і добраўпарадкаванні тэрыторыі вядуцца на ўчастку, абмежаваным вуліцамі Якуба Коласа, В. Харужай і Кульман. Праект рэалізуецца пры падтрымцы ўрада і Мінгарвыканкама.
На месцы былога ГЦ «Пасаж» з’явіцца новы шматфункцыянальны комплекс «Атмасфера» агульнай плошчай каля 83 тыс. кв. м.
Паводле планаў, у ім будуць гастрамаркет, экарынак, гіпермаркет, дзіцячы забаўляльны цэнтр, фітнэс– і SPA-цэнтр, офісныя памяшканні і шмат іншага, а існуючаму побач паркінгу надбудуюць некалькі паверхаў.
— Гэта будзе суперсучасны комплекс у цэнтры горада, які ўключае бізнес-цэнтр і офісны будынак, гандлёвыя плошчы, вялікую кінаканцэртную залу, рэстараны і кафэ з рознай кухняй, культурную прастору. Частка будынкаў на вуліцы Якуба Коласа ўжо ўведзена ў эксплуатацыю, завяршаюцца работы на вуліцах Кульман і Веры Харужай. Мы ідзём да таго, каб завяршыць дадзены праект у наступным годзе, — расказаў А. Шчаковіч.
Цяпер чытаюць
Як склаўся лёс інтэрнацыянальных дзяцей, якіх выхоўвалі ў Жодзіне ў першым у Беларусі дзіцячым доме сямейнага тыпу?5
Каментары