Памятаеце бяздомную жанчыну, якой блогер-падлетак купіў кватэру? Здаецца, у гэтай гісторыі не будзе хэпі-энду
Блогер сустрэў бяздомную Вікторыю выпіўшую і з фінгалам пад вокам, які паставіў ёй сабутэльнік.
Бяздомная жанчына Вікторыя — адна з герояў ролікаў гомельскага блогера Анатоля Rubakha Go. Калі той выйграў на адным з конкурсаў аўтамабіль, то набыў кватэру для жанчыны.
Відэа з Вікторыяй Анатоль здымае больш за год. За гэты час яе жыццё змянілася ў добры бок, казала раней жанчына. Але, падобна, ненадоўга.
У новым відэа, якое запісаў блогер, ён сустрэў Вікторыю выпіўшую і з фінгалам пад вокам, які паставіў ёй сабутэльнік. Анатоль кажа, што Вікторыя п'е ўжо тры дні. Хлопец наракае, што пасля таго, як падораную кватэру аформілі на жанчыну, яна стала весці сябе інакш.
Вікторыя раней расказала, што ёй 55 гадоў. Скончыла 8 класаў, пайшла вучыцца ў ПТВ на аператара станкоў з лічбавым праграмным кіраваннем. Затым працавала памочніцай выхавацеля ў дзіцячым садку, ліфцёрам у бальніцы.
«Я была замужам. Цяпер разведзеная. Дзеці ёсць. Двое. Дзяўчынка і хлопчык». З дзецьмі яна не мае стасункаў з 2007 года.
Цяпер чытаюць
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію3
Вясковец з-пад Бабруйска імітаваў сваю смерць, каб не плаціць пазыкі, а пасля загінуў на вайне за Расію
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары