Байсол: Сродкі з экстраннага збору будуць выплачаныя палітвязням цалкам
«Байсол» днямі паведаміў, што на выплаты накіруе 50 тысяч еўра з сабраных 111 тысяч, а астатнія зарэзервуе пад наступную групу вызваленых. Але пасля крытыкі змяніў рашэнне.
Фонд «Байсол» паведаміў пра змены ў падыходзе да выплат з экстраннага збору.
«Мы ўлічылі заўвагі і крытыку, яшчэ раз прааналізавалі папярэдняе рашэнне «Байсол». Першапачаткова мы планавалі выплаціць вызваленым 11 верасня агульную суму, устаноўленую ў зборы, — 50 тыс. еўра. Астатнія сродкі — 60 тыс. еўра — меркавалася зарэзерваваць для наступных груп вызваленых.
На жаль, у тэксце збору гэтыя планы не былі прама прапісаныя. Мы прызнаём гэтую памылку і разумеем, што многія данацілі ўжо пасля дасягнення мэты ў 50 тыс. еўра, каб дапамога для вызваленых была большай», — зазначае фонд.
«Байсол» паведамляе, што гатовы пачаць выплаты ў найбліжэйшы час без лішніх працэдур і фармальнасцяў. Уся сума будзе падзелена на 52 чалавекі і выплачаная вызваленым палітвязням.
Нагадаем, што экстранны збор быў абвешчаны 11 верасня праз некалькі гадзін пасля інфармацыі пра вызваленне 52 палітвязняў.
Першапачаткова планавалася сабраць 50 тысяч еўра, у разліку 1000 еўра на чалавека, але неабходная сума была сабраная за тры гадзіны. За двое сутак было сабрана 100 тысяч еўра, затым збор дарос да 111 тысяч 365 еўра.
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы29
Каментары