Праект па дапамозе палітычным рэпрэсаваным «Хуткая гуманітарная дапамога» самаліквідуецца
Праваабарончыя арганізацыі, якія ўваходзілі ў кааліцыю, разышліся як у моры караблі. «Байхэлп» і «Байсол» пайшлі сваімі шляхамі. А «Краіна для жыцця» і Dissidentby самі, відаць, не пацягнулі праект.
Кааліцыя Хуткай гуманітарнай дапамогі (ХГД) афіцыйна спыняе сваё існаванне.
«Разам мы прапаноўваем пацярпелым увесь магчымы спектр падтрымкі — ад аплаты штрафаў, паслугаў адвакатаў і падтрымкі сем’яў палітычных вязняў, да эвакуацыі, рэабілітацыі і інтэграцыі за мяжой», — гаварылася раней пры прэзентацыі праграмы.
Цяпер жа аб’яднанне, якое было створана для каардынацыі хуткай дапамогі, будзе перафарматавана ў новую пляцоўку — адкрытую прастору для гуманітарных і праваабарончых арганізацый. Гэта, як сцвярджаецца, дазволіць працягваць каардынаваць дапамогу палітвязням і ўсім, хто пацярпеў ад рэпрэсій у Беларусі.
Як тлумачыцца на сайце праекта, кааліцыя фактычна перастала дзейнічаць больш за паўгода таму. Прычынай стала шэраг праблем, выяўленых у рамках працы ByHelp: мэты ўдзельнікаў істотна адрозніваліся, а таксама былі заўважаныя парушэнні бяспекі і празрыстасці працы.
Адным з ключавых інцыдэнтаў стала тое, што BySol, які ўваходзіць у кааліцыю, працягваў працу з Андрэем Стрыжаком, адносна якога былі ўстаноўленыя факты дамаганняў. Працэс расследавання, абяцаны BySol, не быў адкрыты для старонніх назіральнікаў, што выключыла магчымасць прафесійнага супрацоўніцтва.
Па словах кіраўніцтва кааліцыі, за апошнія паўгода было прынята шмат прынцыповых рашэнняў і перажыта мноства складаных камунікацый. Выяўленыя парушэнні этыкі і прынцыпаў аказання гуманітарнай дапамогі стваралі небяспечную атмасферу, асабліва для жанчын. Гэта і стала канчатковым аргументам для спынення існавання ХГД.
Цяпер інфармацыйны рэсурс кааліцыі будзе пераўтвораны ў адкрытую пляцоўку, дзе розныя арганізацыі змогуць наладжваць узаемадзеянне і каардынаваць намаганні па аказанні дапамогі і падтрымцы пацярпелых ад рэпрэсій у Беларусі.
Стрыжак: Якая прававая падстава ў Насты Базар, каб збіраць інфармацыю пра асабістае жыццё людзей?
Стрыжак: Я проста гаўно, я ляжу на дне самай бруднай канавы і адтуль спрабую нешта сказаць у сваю абарону
Стрыжака і Лявончыка прызналі «тэрарыстамі»
Зміцер Ягораў: «Байсол» збіраецца і далей выплачваць па 1000 еўра палітвязням
«Байсол» больш не будзе часткай Міжнароднага гуманітарнага фонду
Цяпер чытаюць
Даішнік, якога збіў машынай пенсіянер пад Мінскам, памёр у бальніцы. Яму зладзілі пышнае пахаванне18
Каментары
Хаця здаецца, наадварот, праект павінен быў сказаць: вось нарэшце выходзяць з турам тыя людзі, дзеля якіх мы стварылі праект, мы за пяць гадоў падрыхтаваліся і гатовыя вам дапамагчы.