Зяленскі: Мы будзем наносіць удары ў адказ, каб прымусіць Расію да дыпламатыі
Прэзідэнт Украіны Уладзімір Зяленскі пракаментаваў сённяшнюю начную атаку на Украіну, якая стала адной з найбуйнейшых у гэтым годзе.
«Больш за 12 гадзін доўжылася масіраваная расійская атака на Украіну. Звярыныя ўдары, свядомы і мэтанакіраваны тэрор супраць звычайных гарадоў — амаль 500 ударных беспілотнікаў і больш за 40 ракет, у тым ліку «кінжалы». Раніцай зноў у нашым небе расійска-іранскія «шахеды», — напісаў Зяленскі.
Асноўнымі кірункамі атакі былі Кіеў і вобласць, Запарожжа, Сумшчына, Мікалаеўская, Чарнігаўская, Адэская, Хмяльніцкая вобласці.
У выніку абстрэлу ў сталіцы пашкоджаны будынак Інстытута кардыялогіі. Па стане на цяперашні час вядома пра чатырох загінулых у Кіеве, сярод якіх 12‑гадовая дзяўчынка. Агулам ва Украіне вядома пра прынамсі 40 параненых людзей, сярод якіх ёсць і дзеці, напісаў Зяленскі.
Пад абстрэлам былі прадпрыемства па вытворчасці хлеба, завод аўтамабільнай гумы, прыватныя і шматкватэрныя дамы і аб'екты цывільнай інфраструктуры.
«Гэтая подлая атака адбылася фактычна як завяршэнне тыдня Генасамблеі ААН, і менавіта так Расія заяўляе пра сваю рэальную пазіцыю. Масква хоча далей ваяваць і забіваць і заслугоўвае толькі на самы жорсткі ціск свету.
Крамлю выгадна працягваць гэтую вайну і тэрор, пакуль ёсць сродкі ад энергетыкі і дзейнічае ценявы флот. Мы будзем і надалей наносіць удары ў адказ, каб пазбаўляць Расію гэтых магчымасцяў зарабляць і прымусіць да дыпламатыі», — напісаў прэзідэнт Украіны.
Ён заклікаў краіны, якія хочуць міру, «падтрымаць намаганні Прэзідэнта Трампа і спыніць любы расійскі імпарт». «Час для рашучых дзеянняў даўно надышоў, і мы разлічваем на моцную рэакцыю ЗША, Еўропы, «сямёркі», «дваццаткі», — дадаў ён.
Каментары
Украинцы, своими, тихоходными дронами пробуют, но, почти ничего не долетает до Москвы.
Нужны, либо баллистика среднего радиуса действия, либо дальнобойные, крылатые ракеты, удары которых подключаются на финальной стадии тихохоходов, чего нет у Украины, кроме тихоходов.
Надо вопрос переадресовывать трампу.