Былы кіраўнік Прэзідэнцкага аркестра трапіў пад атаку дронаў у Данецку
Дырыжор Віктар Бабарыкін паехаў туды на гастролі.
Дырыжор Віктар Бабарыкін трапіў пад атаку дронаў у Данецку, куды прыехаў, каб дырыжыраваць Данецкім сімфанічным аркестрам. Выступаць ён павінен быў 5 кастрычніка на юбілейным канцэрце заслужанага работніка культуры Расіі кампазітара Уладзіміра Воўчанкі, паведамляе агенцтва «Мінск-Навіны».
Дырыжор не пацярпеў. А ў зале філармоніі, па яго словах, сабраўся аншлаг.
Бабарыкін заўважыў, што яго маці нарадзілася ў Снежным (горад у Горлаўскім раёне Данеччыны). «Данецк для мяне — другая радзіма», — адзначыў дырыжор.
Бабарыкін кіраваў Прэзідэнцкім аркестрам з 2002 года, з моманту яго стварэння. У кастрычніку 2019 года яго знялі з пасады.
Каментары