Літва афіцыйна паведаміла ўладам Беларусі пра закрыццё пунктаў пропуску на мяжы
Як паведамілі ў Дзяржаўным памежным камітэце Беларусі, у беларускія памежныя органы паступіла афіцыйная нота ад Службы аховы дзяржаўнай мяжы Літвы, згодна з якой урад Літоўскай Рэспублікі 29 кастрычніка 2025 года прыняў пастанову «Аб абмежаванні і прыпыненні перасячэння дзяржаўнай мяжы Літоўскай Рэспублікі».
Згодна з дакументам, з 29 кастрычніка дзейнічаюць абмежаванні на рух людзей і транспарту праз пункт пропуску «Меднікі» («Каменны Лог»). Яны будуць працягвацца да 01:00 1 снежня 2025 года па беларускім часе.
У ДПК удакладняюць, што забарона не тычыцца:
- асоб, якія маюць дыпламатычныя або службовыя пашпарты, а таксама тых, хто перавозіць дыпламатычную пошту;
- асоб, якія едуць па дакуменце спрошчанага транзіту (STD) у адпаведнасці з рэгламентам Рады ЕС №693/2003;
- грамадзян Літвы і членаў іх сем’яў, што вяртаюцца дадому;
- іншаземцаў з дазволам на жыхарства у Літве, якія вяртаюцца ў краіну;
- асоб, што едуць у Літву па гуманітарных візах;
- грамадзян краін ЕС, Еўрапейскай эканамічнай зоны, Швейцарыі, Андоры, Манака, Сан-Марына, Ватыкана, Украіны і іх сем’яў;
- грамадзян краін — удзельніц НАТА.
Таксама абмежаванні не распаўсюджваюцца на беларускіх грамадзян — супрацоўнікаў дыпламатычных і консульскіх устаноў гэтых дзяржаў, якія накіроўваюцца ў службовыя камандзіроўкі.
Акрамя таго, перасячэнне мяжы праз «Меднікі» («Каменны Лог») можа дазваляцца ў асобных выключных выпадках па хадайніцтве Міністэрства замежных спраў Літвы.
Адначасова ў пункце пропуску «Салечнікі» («Беняконі») афармленне людзей і транспарту цалкам спынена.
«Мінус 650 еўра». Як беларусы рэзка змяняюць маршруты пасля закрыцця мяжы з Літвой
Сотні літоўскіх фур захраслі ў Беларусі — транспартнікі Літвы заклікаюць урад тэрмінова шукаць выйсце
Латвія пакуль не збіраецца закрываць мяжу з Беларуссю
У МЗС заявілі, што Літва закрыла мяжу з Беларуссю, бо хоча грошай ад ЕС
Мяжа Беларусі і Літвы закрытая на месяц
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай80
Каментары