Прэзідэнт Расіі ў інтэрв'ю India Today расказаў, пра што размаўляў у Маскве са Стывам Уіткафам і Джарэдам Кушнерам, паведамляе крамлёўскі тэлеграм-канал «Пул №3».
Сустрэча з Уіткафам і Кушнерам была вельмі карыснай, выказаўся Пуцін. Па яго словах, прапановы, якія амерыканскі бок прывёз у Маскву, так ці інакш былі заснаваныя на дамоўленасцях з прэзідэнтам Трампам на Алясцы.
«Давялося прайсціся практычна па кожным пункце, таму сустрэча заняла столькі часу. Расія спрабавала выбудаваць адносіны паміж ДНР і ЛНР і Украінай, але Кіеў іх не прызнаваў, а рэспублікі не хацелі заставацца ў яе складзе і выказалі гэта на рэферэндуме. Расія ў любым выпадку вызваліць Данбас і Наваросію (так Пуцін называе паўднёва-усходнія раёны Украіны, што прымыкаюць да Чорнага мора — НН) — ваенным або іншым шляхам», — сказаў Пуцін.
Прэзідэнт Расіі заявіў, што Кіеў адмовіўся выводзіць войскі з «ДНР» і «ЛНР» пасля рэферэндуму, «вырашылі ваяваць — ну вось даваяваліся».
Амерыканскі бок падзяліў 27 пунктаў плана Трампа на 4 пакеты і прапанаваў абмяркоўваць іх асобна, паведамляе «Пул №3».
Таксама Пуцін сказаў, што Расія не хоча вяртання ў G8.
Цяпер чытаюць
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка3
Каментары
Беларусь яны кінулі ўжо даўно і кінуць яшчэ ня раз, пасміхаючыся ў твар умоўнай "ціханоўскай", як той Рутэ і кампанія імпатэнтаў.
…какой там Рай..