Памер зямельнага падатку для некаторых беларусаў можа змяніцца. Прычына — абнаўленне кадастравай вартасці ўчасткаў.
Новыя даныя будуць прымяняцца з 1 студзеня 2026 года. Пра самыя дарагія землі ў Мінску і яго наваколлі паведамляе афіцыйны канал Дзяржаўнага камітэта па маёмасці.
Лідарам па кошце зямлі ў краіне застаецца Мінск — 230,3 BYN за кв. м (+40,6% у параўнанні з 2020 годам). У топ-10 таксама ўвайшлі Заслаўе, Фаніпаль, Брэст, Салігорск, Гродна, Мачулішчы, Дзяржынск, Гомель і Лагойск.
Самай дарагой ацэначнай зонай Мінска стаў раён вуліцы Ціхай (Дразды) і праспекта Пераможцаў. Участак у 10 сотак тут каштуе 683 тысячы рублёў.
Сярод сельскіх населеных пунктаў вылучаецца Мінскі раён. Тут зямля каштуе 53,2 BYN за кв. м (што ў 3,4 раза вышэй, чым у наступнага за ім Смалявіцкага раёна). У топ-10 таксама ўвайшлі Дзяржынскі, Брэсцкі, Пухавіцкі, Уздзенскі і іншыя раёны.
Сярод вёсак першае месца па кошце займае Баравая (137,3 BYN за кв. м). А сярод садаводчых таварыстваў вылучаецца дачны кааператыў «Крынічны» ў Ждановічах. Тут квадратны метр зямлі каштуе 131,9 BYN. У цэлым, восем з дзесяці лідараў па кошце размешчаны ў Мінскай вобласці.
Кадастравая вартасць — гэта аснова для разліку зямельнага падатку, вызначэння памеру арэнднай платы за зямельныя ўчасткі, якія знаходзяцца ў дзяржаўнай уласнасці, вызначэння памеру платы за зямельныя ўчасткі, перададзеныя ў прыватную ўласнасць, платы за права арэнды зямельных участкаў, платы за ўчастак, што выкупляецца ва ўласніка пры яго адабранні для дзяржаўных патрэб, легалізацыі зямельных участкаў і інш.
Азнаёміцца з кадастравай вартасцю і падатковай базай можна на сайце Нацыянальнага кадастравага агенцтва.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца1
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары