У Аўстраліі памёр кракадзіл Бёрт — зорка культавага ў 1980-я фільма «Дандзі па мянушцы «Кракадзіл»
На момант смерці Бёрту было каля 90 гадоў, паведаміла адміністрацыя парка Crocosaurus Cove, у якім жыў кракадзіл. Ён дасягаў пяці метраў у даўжыню і важыў 700 кілаграмаў, піша Бі-бі-сі.
«Бёрт быў сапраўды адзіным у сваім родзе. Ён быў не проста кракадзілам; ён быў сілай прыроды і напамінам пра магутнасць і веліч гэтых неверагодных стварэнняў», — гаворыцца ў паведамленні парка ў Facebook.
Рэптылія жыла ў няволі з 1980-х гадоў, пасля таго як яе злавілі на рацэ Рэйнальдс. Бёрт стаў адным з самых пазнавальных прадстаўнікоў свайго віду пасля выхаду фільма «Дандзі на мянушцы «Кракадзіл» у 1986 годзе. Фільм быў намінаваны на «Оскар» за найлепшы сцэнар, які напісаў Пол Хоган, што выканаў галоўную ролю ў фільме.
З 2008 года Бёрт утрымліваўся ў парку Crocosaurus Cove і быў адным з самых вядомых яго рэзідэнтаў. Паводле адміністрацыі парка, у Бёрта быў складаны характар, і за ўсё жыццё ён так і не знайшоў сабе пару. У парку плануюць усталяваць памятны знак у яго гонар.
Цяпер чытаюць
Як рыхтаваўся візіт Ціханоўскай у Кіеў і чаму ён некалькі разоў пераносіўся8
Каментары