Таксіст выклікаў хуткую пасажыру, але таму стала кепска ад наркотыкаў
Усё скончылася крымінальнай справай і судом.
Жыхар Брэста прыехаў у сталіцу, каб у лесе забраць «закладку». Аднак не знайшоў тайнік і вярнуўся дадому, пішуць Мінск-навіны.
На наступны дзень прадавец даслаў яму новыя геаграфічныя каардынаты тайніка — мужчына ў стане алкагольнага ап’янення, зноў паехаў у Мінск. Забраўшы наркотык, ён папрасіў таксіста адвезці яго ў аптэку. Там набыў шпрыцы і вадкасць для ін’екцый, пасля чаго развёў метадон і двойчы ўвёў атрыманы раствор у руку.
Далей ён збіраўся вярнуцца ў Брэст, але яму раптам стала дрэнна. Кіроўца таксі, убачыўшы пасажыра без прытомнасці, выклікаў хуткую дапамогу. У бальніцы ў асабістых рэчах мужчыны знайшлі 1,69 г метадону і шпрыц з растворам, які ўтрымліваў наркатычны сродак.
Завялі крымінальную справу. Віну ў інкрымінаваным яму злачынстве прызнаў, раскаяўся і растлумачыў, што ўжываў забароненае рэчыва з мэтай зменшыць боль ад астэахандрозу, паколькі лекі яму нібыта не дапамагалі.
Адбыўся суд: 2 гады і 2 месяцы папраўчай калоніі ва ўмовах строгага рэжыму. Акрамя таго, ён павінен прайсці прымусовае лячэнне ад наркаманіі.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары