Свет22

Польскі суд адобрыў экстрадыцыю вядомага расійскага археолага ва Украіну. Яго вінавацяць у незаконных раскопках у Крыме

Яго адвакат ужо рыхтуе апеляцыю, каб не дапусціць выдачы навукоўца.

Польскі суд дазволіў экстрадыцыю расійскага археолага Буцягіна з Польшчы ва Украіну. Апеляцыйны суд можа адмяніць або змяніць сённяшняе рашэнне — альбо адправіць справу на паўторны разгляд. Максімальны тэрмін арышту па справе аб экстрадыцыі — два гады, піша BBC.

Калі апеляцыйны суд адобрыць выдачу пецярбургскага археолага, справа ляжа на стол міністру юстыцыі Польшчы. За ім застаецца апошняе слова ў справах аб экстрадыцыі.

Аляксандр Буцягін — вядомы расійскі навуковец, супрацоўнік Дзяржаўнага Эрмітажа, які займае пасаду кіраўніка аддзела антычнай археалогіі.

Яго затрымалі ў снежні 2025 года ў Польшчы на запыт украінскіх уладаў.

У аснове справы супраць Буцягіна — раскопкі ў Крыме пасля яго анексіі Расіяй. Кіеў прыраўноўвае іх да знішчэння помнікаў. Навуковец не адмаўляе, што вёў раскопкі без дазволу ўкраінскіх уладаў, але катэгарычна не згодны з абвінавачваннем у разбурэнні культурнай спадчыны.

У інтэрв’ю BBC ён сказаў, што працягваў працаваць у Крыме пасля яго анексіі менавіта для захавання археалагічнага аб’екта: «Спыненне работ адбілася б на стане помніка, які стаў бы без нагляду разбурацца з-за натуральных прычын, а таксама з-за дзеянняў вандалаў і марадзёраў».

Буцягін — першы расійскі археолаг, затрыманы з-за раскопак у Крыме, але далёка не адзіны, каго Украіна падазрае ў парушэнні закона.

Гэтая справа з'яўляецца важным прэцэдэнтам. Упершыню навуковая дзейнасць на акупаваных тэрыторыях кваліфікуецца як крымінальнае злачынства, што цягне за сабой рэальны арышт у краіне ЕС. Гэта тычыцца розных расійскіх спецыялістаў (археолагаў, рэстаўратараў, музейшчыкаў), якія працавалі ў Крыме пасля 2014 года.

Каментары2

  • Alex
    18.03.2026
    У нас з-за такiх Буцягiных нiчога у музеях не засталося.
  • Спірцягін
    18.03.2026
    Няхай цяпер пакапае ў Лукьянівскім СІЗА.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць