У апошнія некалькі гадоў у модзе былі больш цёмныя колеры валасоў, але ў 2026‑м мода развярнулася ў іншы бок. Наступіла новая эра ідэй для бландзінак, піша Harper's Bazaar.
Серыял «Гісторыя кахання» пра Кэралін Бесэт-Кенэдзі паўплываў на ўсплёск цікавасці да мінімалістычнай моды 90‑х і светлага адцення валос. Але не толькі ён. Такія зоркі, як Марго Робі, Розэ з гурта Blackpink і Аня Тэйлар-Джой, таксама дэманструюць класічны блонд.
Колькасць запытаў у Google «lived-in blond» (блонд з эфектам адрослых каранёў) вырасла на 20 працэнтаў з пачатку 2026 года.
Эксперты лічаць, што цікавасць расце яшчэ і таму, што стаць бландынкай і падтрымліваць гэты колер цяпер прасцей, фарбы не такія шкодныя. Дый тыя жанчыны, якія калісьці былі бландзінкамі, а пасля адрасцілі свой натуральны колер і аднавілі здароўе валасоў, зноў гатовы да эксперыменту.
Каларысты вылучаюць некалькі модных адценняў блонду ў 2026 годзе. Калі раней запыт быў на «пацавалаваныя сонцам» валасы (тэхніка балаяж, калі афарбавана частка пасмаў), то цяпер — на суцэльны, яркі светлы блонд. Напрыклад, як у актрыс Марго Робі і Эл Фэнінг. Ён менш падобны да пляжнага стылю, чым папярэднія версіі.
Шмат запытаў на светла-бэжавы, перламутравы «шампань-блонд».
А вось ад попельных і халодных тонаў наадварот адыходзяць — жанчыны вяртаюцца да цёплага колеру.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары