76‑гадовы слонімскі пенсіянер затрыманы за крадзяжы з дач і могілак. Узялі яго выпадкова
76‑гадовы жыхар Слоніма стаў фігурантам крымінальнай справы пасля серыі начных набегаў на дачныя дамы і гарадскія могілкі. Яму пагражае да 4 гадоў калоніі.
Пенсіянер выбіраў дачы, дзе ніхто не жыў, і з дапамогай пасаціжаў ускрываў замкі. Аднак падчас аднаго з крадзяжоў ён забыўся на месцы злачынства пакет са сваёй прыладай.
Экспертыза пакінутых пасаціжаў дазволіла міліцыі вызначыць асобу падазраванага.
Падчас ператрусу ў кватэры і аўтамабілі мужчыны знайшлі не толькі рэчы з дач, але і шэсць дэкаратыўных гранітных ваз, а таксама штучныя кветкі.
Як патлумачыў пенсіянер, ён прыйшоў на могілкі перад святамі і без асаблівых высілкаў падняў вазу ад адной з магіл, затым правяраў іншыя надмагіллі. Так і назбіралася.
Сваю здабычу ён планаваў прадаць, ацаніўшы кожную вазу ў 150—170 рублёў.
За серыйныя крадзяжы ў дачыненні да пажылога мужчыны распачата крымінальная справа (крадзеж, учынены паўторна). Цяпер 76‑гадоваму пенсіянеру пагражае да 4 гадоў пазбаўлення волі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары