Уладзімір Зяленскі адрэагаваў на вынікі ўчорашняй тэлефоннай размовы Трампа і Пуціна, у якой была агучана ідэя перамір’я на 9 мая.
Уладзімір Зяленскі паведаміў, што даручыў украінскім прадстаўнікам звязацца з камандай прэзідэнта ЗША і высветліць дэталі расійскай прапановы аб кароткатэрміновым перамір’і.
Па яго словах, Украіна імкнецца да міру і вядзе неабходную дыпламатычную працу для рэальнага завяршэння гэтай вайны.
«Высветлім, пра што менавіта ідзе гаворка: пра некалькі гадзін бяспекі для парада ў Маскве ці пра нешта большае», — заявіў Зяленскі.
Ён таксама ў чарговы раз заявіў, што прапанова Украіны — гэта спыненне агню на доўгатэрміновай аснове.
Учора Расія прапанавала зрабіць перамір'е на 9 мая, а пазаўчора стала вядома, што парад на Краснай плошчы ў Маскве пройдзе без вайсковай тэхнікі з-за боязі магчымых крокаў Украіны.
Каментары