Урад рэзка павялічыў вывазныя мыты на нафтапрадукты. Рост больш чым у 25 разоў
У Беларусі рэзка павялічылі вывазныя мыты на некаторыя нафтапрадукты. Адпаведную пастанову падпісаў прэм’ер-міністр Аляксандр Турчын, яна апублікаваная на Нацыянальным прававым партале.
Паводле новага рашэння, мыта на вываз звадкаваных газаў вырасла больш як у 25 разоў — з 5,2 да 131,6 даляра за тону. Для этану, бутану і ізабутану стаўка таксама значна павялічылася — з 4,6 да 118,4 даляра за тону. Новыя правілы пачалі дзейнічаць з 1 мая, хоць сам дакумент ухвалілі 7 мая.
Да красавіка 2026 года ў Беларусі ўвогуле не было вывазных мытаў на нафтапрадукты. Іх вярнулі ў сярэдзіне красавіка, а цяпер істотна паднялі стаўкі.
Такія меры ўлады звычайна выкарыстоўваюць, каб абмежаваць экспарт і падтрымаць унутраны рынак. Калі мыты высокія, кампаніям становіцца менш выгадна прадаваць паліва за мяжу, таму яны больш пастаўляюць яго ўнутры краіны. Гэта можа дапамагчы пазбегнуць дэфіцыту і стрымаць рост цэнаў на бензін і дызель.
У гэтым канкрэтным выпадку, аднак, такі нечаканы і ў нечым нават шакавальны крок тлумачыцца тым, што Беларусь уніфікавала свае ўласныя вывазныя мыты з расійскімі, якія, у адрозненне ад беларускіх, не толькі існавалі, але і былі высокімі.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары