Салісты Беларускай оперы прайшлі ў расійскае шоу спеваў — але журы знайшло прорву паміж іх галасамі
Тарас Прысяжнюк з Данецка ўжо шэсць гадоў спявае ў операх Вялікага тэатра Беларусі. Разам з жонкай Мартай Данусевіч, таксама салісткай Вялікага, ён прабіўся ў расійскае музычнае шоу «Ну-ка, все вместе!» — на адборы спявалі па-беларуску.
35‑гадовы Тарас Прысяжнюк нарадзіўся ў Данецку, але ўжо шмат гадоў будуе кар’еру далёка ад роднага горада. У 2016‑м украінец прабіўся ў артысты Моладзевай опернай праграмы Вялікага тэатра Расіі, а ў 2019‑м паўдзельнічаў у «Новай хвалі». У лютым 2020‑га Прысяжнюк выступіў на сцэне міланскага тэатра «Ла Скала», а ў тым жа годзе стаў салістам Вялікага тэатра ў Мінску, дзе і спявае дагэтуль.
Яго жонка — Марта Данусевіч, таксама салістка Вялікага тэатра ў Мінску. Пазнаёміліся яны, аднак, у Маскве, дзе разам вучыліся оперы. Цяпер яны і працуюць разам, і выхоўваюць сына Мікалая.
Разам яны паехалі і на шоу «Ну-ка, все вместе»!, якое здымае канал «Россия-1». Тарас і Марта вырашылі прабівацца на праект праз кастынг у Самары — выпуск шоу пра той адбор з’явіўся 7 жніўня. Там беларуская пара выступіла з песняй «Я люблю глядзець у вочы твае» са стужкі 1960 года «Вясеннія навальніцы», знятай на «Беларусьфільме». Дадаткова яны праспявалі дуэт Альфрэда і Віялеты з «Травіяты» — і атрымалі квіток у асноўную частку шоу.
11 верасня выйшаў першы выпуск шоу з асноўнай праграмы. У ім Тарас і Марта пазмагаліся за выхад у паўфіналы са спевакамі з розных рэгіёнаў Расіі і з выступоўцам з Таджыкістана.
Беларуская пара праспявала песню You Are My Miracle. Каб прайсці ў наступны этап, ім трэба было заняць першае ці другое месца з васьмі — столькі выступоўцаў было ў першым выпуску, а для гэтага неабходна набраць як мага больш галасоў ад ста экспертаў шоу.
Тарас і Марта ў выніку атрымалі 92 галасы — добры вынік, але толькі чацвёртае месца ў заліку, і для паўфіналу гэтага не хапіла. На думку некаторых суддзяў, дуэт у мужа і жонка не зладзіўся, і паміж галасамі ў іх прорва.
«Наша Нiва» — бастыён беларушчыны
ПАДТРЫМАЦЬЦяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс32
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары