Тэлефонныя махляры палохалі 16‑гадовага школьніка дронамі, каб той аддаў грошы бацькоў
На тэматычным сайце падлетак пазнаёміўся з дзяўчынай і дамовіўся пра асабістую сустрэчу. Як толькі хлопец дабраўся да ўмоўленага месца, ён адправіў новай знаёмай геалакацыю.
Пасля гэтага яму паступіў відэазванок ад ілжэправаахоўніка, які пагражаў, што па яго каардынатах прыляцяць вайсковыя дроны, самога падлетка абвінавацяць у садзейнічанні тэрарызму, а бацькоў пасадзяць у турму, паведамляе «Міліцыя Мінска».
Каб выратаваць сям’ю, непаўналетні пагадзіўся задэклараваць бацькоўскія грошы. З ім звязаліся ілжэсупрацоўнікі падатковай інспекцыі і з дапамогай відэазванкоў на працягу двух тыдняў кантралявалі пошук зберажэнняў у кватэры.
Далей паводле ўказання таго, хто тэлефанаваў, падлетак склаў бацькоўскія 28 000 рублёў у эквіваленце ў канверт і паклаў пад дрэва ва ўмоўленым месцы.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары