Прэзідэнт Украіны Уладзімір Зяленскі на прэс-канферэнцыі разам з лідарамі краін Паўночнай Еўропы і Балтыі ў Таліне заявіў, што атрымаў вынік, які быў яму патрэбны ад адкрытага ліста Уладзіміру Пуціну, піша «Інтэрфакс-Украіна».
«Я не магу падзяліцца з вамі ўсімі дэталямі, але мая дзяржава мае патрэбу ў вельмі значнай колькасці антыбалістычных магчымасцяў. Я атрымаў вынік, але я не магу падзяліцца зараз тым, які гэта быў вынік, але я гэта зрабіў. У мяне была мэта, калі я адпраўляў ліст Пуціну, і я думаю, што я атрымаў вынік, які быў патрэбны», — сказаў Зяленскі.
У адкрытым лісце да Пуціна 4 чэрвеня Уладзімір Зяленскі прапанаваў яму асабістую сустрэчу для абмеркавання завяршэння вайны і заявіў, што Украіна гатовая да прамых перамоў паміж лідарамі дзвюх дзяржаў.
Прэзідэнт ЗША Дональд Трамп заявіў, што ў цэлым лічыць такую сустрэчу пазітыўнай.
Пуцін у сваю чаргу сказаў, што не мае намеру праводзіць сустрэчу з Зяленскім, паколькі «сэнс украінскага боку — спыніць наша наступленне, а нам патрэбныя дамоўленасці». Таксама ён назваў «няправільным» сам абраны Зяленскім адкрыты спосаб камунікацыі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос16
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары