Мастака культавага серыяла «Ліквідацыя» арыштавалі ў Расіі па справе аб дзяржаўнай здрадзе
Ён жыў у Кіеве і прыехаў у Расію, каб памяняць замежны пашпарт.
52‑гадовага мастака-пастаноўшчыка серыяла «Ліквідацыя» Аляксандра Кандратава абвінавацілі ў дзяржаўнай здрадзе, паведамляе «Медыязона».
Справу супраць Кандратава завялі ў пачатку жніўня. Яго адвакат Наталля Ціханава паведаміла журналістам, што следства палічыла як дзяржаўную здраду «не менш за шэсць публікацый» у інтэрнэце. Пра што менавіта ішла гаворка ў гэтых публікацыях, не ўдакладняецца.
Кандратаў з 2012 года жыў у Кіеве, а ў Расію прыехаў, каб памяняць замежны пашпарт, піша «Мемарыял». Мастака затрымалі ў аэрапорце Унукава 5 мая. Да завядзення крымінальнай справы ён знаходзіўся пад «карусельнымі арыштамі»
Дэтэктыўны серыял «Ліквідацыя» выйшаў на экраны ў 2007 годзе. Ён расказвае пра працу крымінальнага вышуку і барацьбу са злачыннасцю ў пасляваеннай Адэсе 1946 года. У серыяле зняліся Уладзімір Машкоў, Міхаіл Парэчанкаў, Сяргей Макавецкі і Канстанцін Лаўраненка.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна5
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5454
Каментары