На 21‑м кіламетры трасы Мінск — Гомель у найбліжэйшыя гады плануюць рэканструяваць пуцеправод. На час работ рух на гэтым участку дарогі цалкам перакрыюць, а транспарт накіруюць у аб’езд, піша Realt.by.
Гэты пуцеправод быў пабудаваны яшчэ ў 1977 годзе. За амаль паўстагоддзя ў яго канструкцыях назапасіўся шэраг крытычных дэфектаў, таму далейшая эксплуатацыя збудавання прызнаная немэтазгоднай. Рэканструкцыю правядуць з поўным закрыццём руху як па пуцеправодзе, так і пад ім — на аўтамабільнай дарозе М-4 Мінск — Магілёў.
Будаўніцтва новага пуцеправода, як мяркуецца, пачнецца ў 2028 годзе.
Заказчыкам работ выступае «Мінскаўтадар-Цэнтр», а генеральным праекціроўшчыкам і распрацоўшчыкам справаздачы аб ацэнцы ўздзеяння на навакольнае асяроддзе з’яўляецца «Белгіпрадар». Грамадскае абмеркаванне справаздачы пачалося 9 верасня і працягнецца да 9 кастрычніка.
Цяпер чытаюць
Лукашэнка: Што творыцца ў краіне, у нас усе гэтую гусь круцяць8
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары