Каля авіябазы ЗША ў Брытаніі затрымалі некалькі чалавек праз выбухоўку, мясцовых жыхароў эвакуявалі
У брытанскім Уэлфарды эвакуявалі жыхароў дамоў каля авіябазы RAF Fairford, дзе размяшчаюцца амерыканскія вайскоўцы і бамбардзіроўшчыкі. Некалькіх мужчын затрымалі паводле падазрэння ў злачынствах, звязаных з выбуховымі рэчывамі, паведамляе BBC.
Затрыманне адбылося раніцай у нядзелю, 27 верасня. Пасля гэтага паліцыя абвясціла пра буйны інцыдэнт, ачапіла частку паселішча, а людзей з некалькіх дамоў перавезлі ў спартыўны цэнтр.
Аўтамабілі правяраюць вайсковыя спецыялісты па абясшкоджванні выбухоўкі. На месцы сабраліся значныя сілы экстранных службаў, у тым ліку медыцынская група, падрыхтаваная для працы ў небяспечных умовах.
Паліцыя заявіла, што сітуацыя знаходзіцца пад кантролем.
Што менавіта маглі знайсці ў затрыманых або ў аўтамабілях, пакуль не паведамляецца. Таксама афіцыйна не пацверджана, што здарэнне непасрэдна звязана з авіябазай.
RAF Fairford выкарыстоўваецца для размяшчэння амерыканскіх бамбардзіроўшчыкаў пасля пачатку канфлікту ЗША з Іранам 28 лютага. У сакавіку на базу прыляцелі чатыры бамбардзіроўшчыкі ЗША — пасля таго, як тагачасны прэм’ер-міністр Вялікабрытаніі Кір Стармер дазволіў выкарыстоўваць брытанскія базы для абарончых аперацый супраць іранскіх ракетных аб’ектаў.
Прадстаўнік ВПС ЗША заявіў, што амерыканскі персанал на RAF Fairford «захоўвае пільнасць». Пры гэтым вайскоўцы адмовіліся раскрываць канкрэтыку, спаслаўшыся на аперацыйную бяспеку.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары
Паліцыя зразумела, закрыла любыя дадзеныя для медыя.
Але ж як вядома, у Брытаніі нават міжнародным тэрарыстам даюць грамадзянства і права на ананімнасць на 100 гадоў. А потым пагражаюць жыццю журналістам, якія гэта ўскрываюць.
Раптам сёння з'явіліся цэльныя аўтобусы "антыфашыстаў" каля базы, якія сталі перашкаджаць экспертам і называць паліцыю ... правільна "фашыстамі".
Што і патрабавалася даказаць.