У Мінску хірургі прааперавалі мужчыну, які ў гэты час быў у іншай бальніцы
60‑гадоваму пацыенту з ракам прастаты зрабілі дыстанцыйную аперацыю. Мужчына знаходзіўся ў адной бальніцы, а хірургі кіравалі робатам з другой.
Пацыент знаходзіўся ў Мінскім навукова-практычным цэнтры хірургіі, транспланталогіі і гематалогіі. Побач з ім была медыцынская брыгада, якая дапамагала праводзіць аперацыю і кантралявала яе ход. А хірургі кіравалі робатам з Мінскай абласной клінічнай бальніцы, піша Белта.
Падчас такой аперацыі хірург кіруе рухамі інструментаў робата. Паводле медыкаў, гэта дазваляе дакладна працаваць у вузкай прасторы, дзе звычайнымі хірургічнымі інструментамі дабрацца да патрэбнага органа складана.
Урачы таксама адзначаюць, што пасля аперацый з дапамогай робата пацыенты хутчэй аднаўляюцца. Паводле іх, выпіска магчымая ўжо на шостыя суткі. Калі выпішуць менавіта гэтага мужчыну, у паведамленні не ўдакладняецца.
У Мінскай абласной клінічнай бальніцы ўжо правялі дзясяткі аперацый з дапамогай робата. Для працы з абсталяваннем шэсць дактароў і дзве медсястры прайшлі навучанне ў Кітаі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары