Расія ўжо другі раз атакавала кіеўскі Інстытут кардыялогіі імя акадэміка Мікалая Стражэскі, дзе лечаць людзей з захворваннямі сэрца. Загінулых няма, аднак адзін пацыент атрымаў лёгкія траўмы. Яму аказваюць неабходную дапамогу. Пра гэта паведамілі прэм’ер-міністр Украіны Сяргей Карэцкі і міністр аховы здароўя Віктар Ляшко, піша «Украінская праўда».
У выніку ўдару была знішчаная аперацыйная, размешчаная на шостым паверсе будынка.
«Медыцынскія ўстановы абароненыя міжнародным гуманітарным правам. Нягледзячы на гэта, Расія зноў атакуе месцы, дзе ратуюць жыцці. І яна павінна адказаць за гэты тэрор», — заявіў Віктар Ляшко.
Інстытут ужо пацярпеў ад расійскай атакі раней. 28 верасня 2025 года будынак быў пашкоджаны падчас камбінаванага ўдару па Кіеве. Найбольшыя разбурэнні тады закранулі аддзяленні на трэцім, чацвёртым і пятым паверхах, у тым ліку аддзяленне эндакрыннай кардыялогіі і дысліпідэміі, а таксама аддзяленне хранічнай ішэмічнай хваробы сэрца.
У выніку той атакі загінулі двое чалавек — пацыент і 50‑гадовая медсястра Аксана Кацяруша.
Цяпер чытаюць
Што вядома пра арышт і зняволенне сенатара Ігара Сяргеева, дырэктара Беларускага цэментнага завода3
Што вядома пра арышт і зняволенне сенатара Ігара Сяргеева, дырэктара Беларускага цэментнага завода
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары