Брат-лекар вызваляе сястру зь лябараторыі, дзе праводзяцца вайсковыя экспэрымэнты па тэлепатыі. Уцекачы хаваюцца на пірацкім караблі, але па сьлядах чаўнака ідзе бязьлітасны агент Альянсу — а ў космасе пануюць дзікуны-паядальнікі.
Брат-лекар вызваляе сястру зь лябараторыі, дзе праводзяцца вайсковыя экспэрымэнты па тэлепатыі. Уцекачы хаваюцца на пірацкім караблі, але па сьлядах чаўнака ідзе бязьлітасны агент Альянсу — а ў космасе пануюць дзікуны-паядальнікі.
«Місія «Сэрэніці» — узорны фільм катэгорыі «Б», але пастаўлены зь вялікім бюджэтам. У карціне ёсьць вольналюбівыя піраты і «касьмічныя вэртыкальшчыкі», мурын-самурай, праграмаваньне псыхікі, кітайскія песьні, закаханыя робаты, каратэ да адключкі і застольныя канібалы.
Стужка сабрала ўсе магчымыя штампы фантастычнага кіно — ад «Зоркавых войнаў» да «Сабакі-прывіда». Але менавіта пазнавальнасьць клішэ, наіўны сюжэт і адчувальны бюджэт зрабілі фільму шалёную касу.
Ляскат заркалётаў, калацільня ў салуне (Самэр Глаў — рубон!), іржавая касьмічная тэхніка на баявой апэрацыі — усё гэта ўжо было ў самым танным кіно, але чаму б на гэтых сцэнках не адпачыць?
Рэжысэр Джон Уэдан («Бафі — зьнішчальніца вампіраў»), канечне, ня Стэнлі Кубрык, але тавар «Сэрэніці» й не прэтэндуе на аўтарскае кіно.
Місія піратаў-тэлепатаў — змагацца з «касьмічнымі вэртыкальшчыкамі» да поўнага прарыву інфармацыйнай блякады — і да канчатковага спусташэньня глядацкіх гаманцоў.
Фільм не настолькі кепскі, каб быць таленавітым, — і не настолькі добры, каб пра яго прамаўчаць.
❏
Місія «Сэрэніці» («Serenity»)
ЗША, 2005, 119 хв.
Жанр: касьмічныя прыгоды.
Адзнака: 5 (з 10).
Цяпер чытаюць
Як жыве Алесь Мухін, вядомы знаўца «Што? Дзе? Калі?»7
Каментары