Навукоўцы: Існуе не адзін від жыраф, а ажно чатыры! І ўсе яны пад пагрозай
Адрозненні паміж імі такія ж моцныя, як і паміж белымі і бурымі мядзведзямі.
Падчас спробаў расшыфраваць геном жыраф навукоўцы знайшлі пацвярджэнне існавання чатырох асобных відаў жыраф з практычна цалкам ізаляванымі арэаламі. Назвы гэтых відаў гучаць так: паўночная жырафа, сеткаватая жырафа, масайская жырафа і паўднёвая жырафа. Пры гэтым існуе яшчэ сем падвідаў жыраф. Навукоўцы і раней сумняваліся, ці з’яўляюцца жырафы прадстаўнікамі аднаго віду, але большасць схілялася да таго, што гэта адзін від з некалькімі падвідамі, піша Daily Mail.
Эксперты з нямецкага Цэнтра трансляцыйнай геномікі біяразнастайнасці ў Франкфурце-на-Майне, якія прааналізавалі гены жывёл, кажуць, што знайсці візуальныя адрозненні паміж рознымі відамі жыраф вельмі цяжка, але пры гэтым хапае генетычных адрозненняў.
Колькасць жыраф апошні час моцна знізілася — цяпер ва ўсёй Афрыцы іх засталося толькі каля 117 тысяч. Калі ж мы маем не адзін, а чатыры віды жыраф, сітуацыя яшчэ горшая, бо кожны асобны від тады знаходзіцца пад яшчэ большай пагрозай. Па ацэнках аўтараў даследавання, у дзікай прыродзе на цяперашні момант існуе менш за шэсць тысяч паўночных жыраф, то-бок гэта адзін з тых відаў вялікіх сысуноў, якія знаходзяцца ў найбольш небяспечным становішчы.
Шмат дзе ў Афрыцы знішчаюцца месцы пражывання жыраф праз попыт на зямельныя надзелы для сельскай гаспадаркі. Абарону жывёл ускладняе браканьерства і цяжкія палітычныя ўмовы.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў25
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары