Вайна77

Расія ўхіляецца ад санкцый усё хітрэйшымі спосабамі

Шэры гандаль нафтапрадуктамі арганізуюць расійскія банкі.

Фота: pixabay

24 лютага ЗША адзначылі гадавіну ўварвання расійскіх захопнікаў ва Украіну замарозкай актываў яшчэ дзясятка расійскіх банкаў. Гэтак жа Вялікабрытанія і ЕС пашырылі свае чорныя спісы. Мэтай чарговага ўзмацнення санкцый з'яўляецца ліквідацыя шчылін, праз якія пуцінскі рэжым можа абыходзіць забароны. Як вынікае з сумеснага даследавання The Economist і SourceMaterial, ухіленне Расіі ад санкцый становіцца ўсё больш прасунутым, асабліва калі справа тычыцца нафты, даходы ад продажу якой фінансуюць расійскую агрэсію і вайну.

Месяц таму Еўропа ўвяла забарону на імпарт перапрацаванай (ачышчанай) расійскай нафты, раней забараніўшы таксама пакупку сырой (неачышчанай) нафты. Пры гэтым ЕС не забараняе сваім грузаадпраўшчыкам, страхоўшчыкам і банкам працягваць спрыяць расійскаму экспарту ў іншыя краіны, пакуль нафта прадаецца ніжэй за цану, устаноўленую групай краін G7. 

У гэты ж час большасць краін «па-за Захадам» не ўвялі ўласныя санкцыі, што дазволіла ўзнікнуць купе цьмяных пасрэднікаў, недаступных заходнім мерам уздзеяння. У даследаванні разглядаецца прыклад канкрэтнай фірмы Bellatrix — нікому раней невядомага гандляра — якая раптам выявілася ўласніцай сямі танкераў. Уласнікам кампаніі, зарэгістраванай у Ганконгу, з’яўляецца нехта Білал Аліеў, грамадзянін Азербайджана, права ўласнасці якому было перададзенае праз некалькі тыдняў пасля пачатку вайны. Пераважную большасць нафтапрадуктаў кампанія закупляе не ў абы-каго, а ў расійскага дзяржаўнага гіганта «Раснафты».

Але ж самае цікавае — гэта адкуль так званы Bellatrix атрымлівае грошы на закупку расійскіх нафтапрадуктаў. Як паказваюць дакументы, кампанія атрымала пазыку ў 350 мільёнаў даляраў ад расійскага ж дзяржаўнага крэдытора — Рассельгасбанка.

Асабліва крывадушна на гэтым фоне гучаць словы расійскай віцэ-прэм’еркі ​​Вікторыі Абрамчанкі, якая ў канцы снежня мінулага года заяўляла, што са згаданага банка трэба зняць санкцыі для палягчэння паставак прадуктаў харчавання і «гарантавала», што «праз гэты банк будуць ісці толькі прадукты харчавання, толькі мінеральныя ўгнаенні».

Затым па ланцужку расійскія нафтапрадукты ідуць далей: напрыклад, Bellatrix, імаверна, мае цесныя дзелавыя адносіны з Coral Energy — трэйдарам, які базуецца ў Дубаі і належыць іншаму азербайджанскаму бізнэсмену.

Апроч гэтага, частка расійскай сырой нафты пасля перапрацоўкі нават знаходзіць шлях назад у Еўропу, пакуль заходнія энергетычныя кампаніі і трэйдары (кшталту Shell і Vitol) пастаўляюць яе ў ЕС, часта з Турцыі. На гэта ў кампаніях кажуць, што такі гандаль не з'яўляюцца незаконным — і гэта праўда. Этычны бок такога бізнэсу, натуральна, мала цікавіць гандляроў, пакуль попыт на расійскае паліва застаецца вялізным.

Дык ці можа Захад зрабіць яшчэ больш, каб спыніць паток шэрых фінансаў у Расію? І ці захоча ён гэта рабіць? Пытанне дагэтуль адкрытае.

Каментары7

  • Принципиально
    07.03.2023
    На фотцы зусім і не танкер. Джэнерал карго.
  • Эксперт
    07.03.2023
    Ну дык прыбытак застаецца ў пасярэднікаў, а ў бюджэт ідуць тыя ж дазволеныя санкцыямі грошы
  • Простодыры
    07.03.2023
    А вы как себе представляли? Не сметь! Ну ладно хорошо….

Цяпер чытаюць

Вылецела ў невядомым кірунку спікерка КР Анжаліка Мельнікава22

Вылецела ў невядомым кірунку спікерка КР Анжаліка Мельнікава

Усе навіны →
Усе навіны

Магутны землятрус у М'янме. Паніка ў Бангкоку2

У міліцыі назвалі памер хабару, які ўзяў намеснік дырэктара Беларускай чыгункі6

Мінчукі размятаюць свежы бярозавік1

Пуцін прапанаваў увесці знешняе кіраванне ва Украіне для правядзення выбараў і паабяцаў дабіць УСУ20

У міліцыі расказалі, як знайшлі забойцу двух чалавек у Рагачоўскім раёне1

305 рублёў за цукарніцу, 456 за заварнік: цэны ў анлайн-краме Свята-Елісавецінскага манастыра шакуюць19

Аперацыя па пошуку салдатаў ЗША, што праваліліся ў балота ў Літве, доўжылася ўсю ноч2

Гэты маленькі звярок можа раскрыць сакрэт барацьбы са старэннем6

«Рыхтавацца да найгоршага»: Макрон заявіў, што ў Парыжы абмяркоўвалі планы падтрымкі Украіны без ЗША2

больш чытаных навін
больш лайканых навін

Вылецела ў невядомым кірунку спікерка КР Анжаліка Мельнікава22

Вылецела ў невядомым кірунку спікерка КР Анжаліка Мельнікава

Галоўнае
Усе навіны →

Заўвага:

 

 

 

 

Закрыць Паведаміць