Krystyna Ryčy hanarycca śvinym łyčom.
Penelopa (Penelope)
Vialikabrytanija – ZŠA, 2006, kalarovy, 101 chv.
Režyser: Mark Pałanski
Roli vykonvajuć: Krystyna Ryčy, Džejmz MekEvoj, Ketryn O'Chara, Ryz Ŭizerspun, Piter Dzinkłejdž, Nik Frost, Sajman Ŭudz, Ryčard Hrant
Žanr: Meladrama, kazka
Adznaka: 5,5 (z 10)
Penelopa naradziłasia ŭ staražytnaj arystakratyčnaj siamji. Jana pryhožaja, razumnaja, daścipnaja – voś tolki zamiest nosa ŭ jaje piatačok. Siamiejny praklon budzie źniaty, kali Penelopu palubić niechta “taki ž, jak jana sama”. Baćki naładžvajuć Penelopie ahledziny arystakrataŭ-žanichoŭ, ale tyja tolki ŭciakajuć, ubačyŭšy śviny łyč. Ale adnojčy Penelopa znajomicca z hulcom-niedarekaj…
Kazačnaja meladrama z sympatyčnaj Krystynaj Ryčy… sa śvinym łyčam. Anhielski pałac, dzivosny pakojčyk Penelopy, dzie jana abaviazanaja chavacca; ucioki, horad sa spakusami, medyjny skandał, radasny chepi-end.
Karcina Marka Pałanskaha – heta “Careŭna-žabka”, “Rymskija kanikuły” danelijeŭskija “33” i… padručnik dla feministak.
Jak i careŭna-žabka, Penelopa pazbavicca praklonu praź luboŭ, jak i “rymskaja pryncesa” – hierainia kidaje svoj pałac. I jak u satyry Danelii, čałaviečak ź dzivosaj – stanovicca šalnoj znakamitaściu, da jakoj ciahnucca ŭsie. Ale heta ŭsio lehkadumna, nieabaviazkova j meladramatyčna.
Brytanskija j amerykanskija aktory radujuć hledača daścipnaj surjoznaściu j pacieškami. Aktrysa Ryz Ŭizerspun sieła na matacykł – i stałasia pradusarkaj filmu. Nik Frost zabaŭlaje žestami (“Typu krutyja mianty”), kapryźliva kryčyć Sajman Ŭudz.
“Patryjarchalny” kazačny film upadabajuć schilnyja da aŭtatreninhu feministki. Luboŭ, što vybaŭlaje ad praklonu, nia mohuć dać Penelopie mužčyny. Jana musić palubić siabie sama. A mužčyna, muž, paluboŭnik – tak – dla kamplektu hieraini, jakaja hanarycca svaim abliččam i svaim “hienderam”.
Seansy ŭ mienskich kinateatrach.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha93
Kamientary