Asacyjacyja Jeŭrapiejskaha Biźniesu inicyjavała stvareńnie pracoŭnaj hrupy pa pierakładzie na biełaruskuju movu pakieta typavych dakumientaŭ, nieabchodnych dla viadzieńnia biźniesu.
U pryvatnaści, ekśpiertami padrychtavany pierakład dziesiaci najbolš užyvalnych dakumientaŭ: akta vykananych rabot, davieranaści, damovy kamisii, damovy kupli-prodažu, damovy na akazańnie pasłuh, zahadu ab pryjomie na pracu, pratakoła, pracoŭnaj damovy, rachunka-faktury i statuta.
Pytańnie ab nieabchodnaści mieć šabłony dakumientaŭ na biełaruskaj movie było ŭźniata słuchačami pieršaha naboru kursaŭ biźnies-biełaruskaj, raspačatych Asacyjacyjaj Jeŭrapiejskaha Biźniesu.
U raspracoŭcy biełaruskich typavych jurydyčnych dakumientaŭ pryniali ŭdzieł:
- Alena Anisim, pieršy namieśnik Staršyni TBM, navukovy supracoŭnik Instytuta movy i litaratury NAN Biełarusi
- Vieranika Mazurkievič, linhvist, vykładčyk kursu biźnies-biełaruskaj u AJEB
- Kampanija «Praŭny pierakład»
- Internet-ahienctva pierakładaŭ LINGVA-BY
U dalejšym Asacyjacyja Jeŭrapiejskaha Biźniesu płanuje dapaŭniać dadzieny pakiet dakumientaŭ. Tamu budziem udziačnyja za inšyja pierakładzienyja jurydyčnyja dakumienty abo svaje prapanovy nakont taho, jakich jašče dakumientaŭ nie chapaje vašaj kampanii dla viadzieńnia spravavodstva pa-biełarusku.
Taksama nahadvajem, što da 19 studzienia 2015 hoda Asacyjacyja pravodzić druhi nabor na kurs pa vyvučeńni dziełavoj biełaruskaj movy. Pradstaŭniki kamiercyjnych kampanij atrymajuć mahčymaść raźvić navyki vusnaj i piśmovaj biźnies-kamunikacyi na biełaruskaj movie dla praviadzieńnia dziełavych pieramovaŭ, narad, prezientacyj, sumoŭjaŭ i h.d.
Važna! Asacyjacyja Jeŭrapiejskaha Biźniesa rekamienduje pry padrychtoŭcy dakumientaŭ źviartacca za kvalifikavanaj dapamohaj jurystaŭ. Dadzienyja formy dakumientaŭ pradstaŭleny ŭ jakaści ŭzoraŭ vyklučna dla adukacyjnych metaŭ.
Spampavać dakumienty ŭ ZIP-archivie
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Kamientary