Kaho mieŭ na ŭvazie Alaksandr Łukašenka pad «śviaciejšastvam», jaki «nakasiačyŭ»?
Kažuć, što ŭ kožnym žarcie jość dola praŭdy. Chochma Alaksandra Łukašenki na adras vysokaha duchavienstva taksama stała abjektam uvažlivaha analizu.
«Što za drymučaść? Čamu ŭ vysokaha duchavienstva niama dziaciej? Ja pytajusia ŭ našych relihijnych dziejačaŭ, jakija ahitujuć za siamju, a kolki ŭ vas dziaciej, Vaša śviaciejšastva, — skazaŭ Alaksandr Łukašenka i tut ža trochi skamiečana papraviŭsia, — vysokapravaschadzicielstva? — «Niama», — adkazvajuć. Jak ty možaš ahitavać za siamju, kali svaich nie maješ? Adčuvaju, dzieści ŭcichuju kasiačać na staranie. I ja navat viedaju, što kasiačać».
Andrej Pačobut paličyŭ hetyja słovy Alaksandra Łukašenki šantažom Katalickaha kaścioła, u jakim zachoŭvajecca celibat dla ŭsich śviataroŭ. Bo «śviaciejšastva» pa-biełarusku adkazała «Niama». Adnak samo słova «śviaciejšastva», chutčej, śviedčyć pra toje, što havorka pra ijerarcha Pravasłaŭnaj carkvy.
«Jaho Śviaciejšastvam» nazyvajuć abo Papu, abo Patryjarcha. na dobraj biełaruskaj movie, praŭda, lepš było b skazać «Jaho Śviataść».
Ni arcybiskupa, mitrapalita Tadevuša Kandrusieviča, ni mitrapalita Paŭła (Panamarova) «Śviaciejšastvam» nie nazyvajuć. Ich tytuły hučyć jak «Jaho Vysokapraaśviaščenstva, Uładyka, Jaho Eminencyja, Jaho Vysokaśvietłaść, Jaho Ekscelencyja». A kali havorka pra jepiskapaŭ, ź jakimi Alaksandr Łukašenka redka kali bačycca, bo nie prezidencki ŭzrovień, to heta «Jaho Praaśviaščenstva, Jaho Śvietłaść, Jaho Ekscelencyja»
Choć Alaksandr Łukašenka i papraviŭsia, kab słovy nie prahučali zanadta adrasna, ale jość padstavy dumać, što ŭ dadzienym vypadku pieršaje słova daražejšaje druhoha.
Z papam Franciškam Alaksandru Łukašenku sustrakacca nie davodziłasia. Z papam Bieniedyktam jon sustrakaŭsia adnojčy, ale ŭ vyklučna aficyjnaj abstanoŭcy. A voś z patryjarchami Ruskaj pravasłaŭnaj carkvy Alaksandr Łukašenka sustrakaŭsia šmat razoŭ, u roznych situacyjach. Tamu jość padstavy dumać, što ŭ žarcie havorka išła pra realnuju ci ŭjaŭnuju razmovu mienavita z adnym z patryjarchaŭ RPC, nie budziem dadumvać katorym.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary