8 listapada padčas chatniaha matču barysaŭskaha BATE z łondanskim «Čełsi» juny futbalist ź Biełarusi vyniesie miač na pole, daŭšy start adnoj z hałoŭnych spartyŭnych padziej vosieni.
Stać junym arbitram KIA i adkryć matč Lihi Jeŭropy zmoža dzicia 8—12 hadoŭ, apantany futbołam. Jak adznačajuć arhanizatary, spartyŭnyja dasiahnieńni buduć nie takija važnyja pry vybary «arbitra» — jany šukajuć samaha metanakiravanaha junaha spartsmiena. U zajaŭcy na kiateam.by treba raspavieści, što robić ci pieraadolvaje dzicia, kab zajmacca lubimym sportam. Ankiety ad dziaciej i baćkoŭ prymajuć da 17 kastryčnika ŭklučna.
«Matč na «Barysaŭ-Arenie» stanie pieršym pryjezdam «Čełsi» ŭ Biełaruś i redkaj mahčymaściu dla tysiač biełaruskich zaŭziataraŭ ubačyć hulniu šaścirazovaha čempijona Anhlii i adnaho z samych tytułavanych u śviecie kłubaŭ, — raspaviadaje Volha Sikorskaja, načalnik adździeła markietynhu KIA ŭ Biełarusi. — My razumiejem usiu unikalnaść hetaha momantu i tamu prapanujem mienavita biełaruskamu junamu prychilniku futboła adkryć lehiendarny matč».
Dla taho, kab patrapić na pole da kamandy, dzie hulajuć takija hulcy jak Siesk Fabrehas i Eden Azar, biełaruskim siemjam u ankiecie treba raspavieści, što robić ci pieraadolvaje dzicia, kab zajmacca lubimym sportam. Heta mohuć być štodzionnyja treniroŭki, pajezdki praz uvieś horad u spartyŭnuju škołu abo rehularnyja padjomy ŭ šeść ranicy. Arhanizatary chočuć znajści dzicia, jakoje litaralna žyvie futbołam — i dla hetaha dapoŭnili ankietu navat pytańniami pa teoryi. Imia junaha arbitra nazavuć 22 kastryčnika. Jaho abiare pieramožca Lihi čempijonaŭ UEFA Alaksandr Hleb i hałoŭny trenier FK BATE Alaksiej Baha.
Ciapier čytajuć
U turmie pamior były supracoŭnik KDB Mikałaj Varapaj, asudžany za špijanaž na karyść Ukrainy3
Kamientary