Na partale vydavieckaha doma «Źviazda» źjaviłasia intervju staršyni Savieta Respubliki Natalli Kačanavaj, u jakim jana padzialiłasia mierkavańniem pra rolu žančyn u sučasnym hramadstvie, a taksama acaniła pierśpiektyvy ŭdaskanaleńnia hiendarnaj palityki ŭ Biełarusi.
Kačanava adznačyła, što siońnia žančyny ličać za lepšaje stvarać siamju ŭ bolš poźnim uzroście.
«Na heta jość pryčyny: adbyvajecca bolš poźniaje sacyjalnaje staleńnie žančyn. Spačatku jany vučacca, šukajuć pracu, imknucca pabudavać karjeru, vyrašyć žyllovyja pytańni i tolki paśla hetaha ŭstupić u šlub. Naradžeńnie dziciaci taksama adkładajecca. Akramia taho, mnohija siamiejnyja pary žyvuć siońnia pa pryncypie «čajłdfry», heta značyć śviadoma bieź dziaciej. Asabista ja hetaha nie padtrymlivaju. Instytut siamji — najvažniejšaja kaštoŭnaść. Tak vychoŭvali mianie. Tak ja vychoŭvała svaich dziaciej. Dzieci napaŭniajuć žyćcio sensam, abjadnoŭvajuć siamju. Baćki sumiesna pieraadolvajuć mnohija ciažkaści, heta umacoŭvaje adnosiny», — skazała Kačanava.
Staršynia Savieta Respubliki adznačyła, što siońnia niama nieabchodnaści ŭ raspracoŭcy asobnaha zakona, nakiravanaha na zabieśpiačeńnie hiendarnaj roŭnaści.
«Našym zakanadaŭstvam u dastatkovaj stupieni ŭrehulavany roznyja aśpiekty hetaha pytańnia. Važna, kab miery pa abaronie pravoŭ žančyn u ekanomicy i sacyjalnaj śfiery, što realizujucca, byli maksimalna efiektyŭnymi, nacelenymi na rašeńnie kankretnych zadač i prablem, ź jakimi sutykajucca žančyny», — skazała Kačanava.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski7
Kamientary