Brytanija začyniaje škoły amal apošniaj. Va ŭsioj Jeŭropie inšaj taktyki trymajucca tolki Biełaruś i Šviecyja
Brytanija stała adnoj z apošnich na jeŭrapiejskim kantyniencie, chto adpraŭlaje dziaciej na vakacyi. Škoły tam zakryjucca ź piatnicy.
Adnačasova pa rasparadžeńni premjera Borysa Džonsana spynić pracu bolšaść stancyj mietro.
U Łondanie zakryvajuć 40 stancyj mietro, kolkaść aŭtobusaŭ skarociać
Jašče raniej škoły začynili Italija, Ispanija, Francyja, Bielhija, Danija, Niamieččyna — apošniaja va ŭsich rajonach, dzie zafiksavanyja vypadki karanavirusa. Previentyŭna, na rańnim etapie raźvićcia pandemii, pakinuli dziaciej doma Polšča, Ukraina, Litva, Łatvija, Słavaččyna, Čechija, Rumynija, Bałharyja i Sierbija. Daŭžej vahalisia Niderłandy i Brytanija.
Pramarudžvańnie Džonsana stała abjektam krytyki ŭ krainie.
Miedyki spadziajucca, što školny karancin zdolny choć trochi zapavolić raspaŭsiud zarazy.
Pa stanie na 18 sakavika ŭ Brytanii było vyjaŭlena bolš za 2600 vypadkaŭ karanavirusa, 105 čałaviek pamierli.
Čytajcie taksama: Minski chłopiec, jaki padčapiŭ «karonu», viadzie telehram-kanał prosta ź infiekcyjonki
Dahetul škoły zastajucca adkrytyja ŭ Šviecyi i Biełarusi. Šviedski ŭrad ciapier razhladaje mahčymaść zakryćcia ŭstanoŭ siaredniaj i daškolnaj adukacyi, uzvažvaje sposaby apieki nad dziećmi baćkoŭ, zaniatych u asobnych klučavych siektarach, takich, jak miedycyna.
U Biełarusi paśla krytyki z boku hramadskaści Alaksandr Łukašenka dazvoliŭ dzieciam nie chadzić u škołu pa žadańni baćkoŭ.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary