Sieviarynca zatrymali kala doma. Ludzi sprabavali jaho adbić
Pravaabaroncy paviedamlajuć pra zatrymanych aktyvistaŭ za siońnia ŭ biełaruskich haradach.
U Minsku byŭ zatrymany Pavieł Sieviaryniec. Jaho zatrymali kala doma. Vidavočcy zatrymańnia sprabavali jaho adbić ad ludziej u cyvilnym.
Taksama stała viadoma pra zatrymańnie Volhi Nikałajčyk.
Kala 10.30 hadzin ranicy ŭ Minsku zatrymany Aleh Babroŭski — siabra inicyjatyŭnaj hrupy Śviatłany Cichanoŭskaj. Mužčynu spynili supracoŭniki DPS, pobač ź jakimi byŭ mikraaŭtobus ciomnaha koleru. U jaho zabrali ŭsie padpisnyja listy, stały i navat pałatku. Akramia taho, u Aleha Babroŭskaha było kala 1500 sabranych podpisaŭ vybarščykaŭ. Jaho dastavili ŭ RUUS Savieckaha rajona Minska, a asabisty aŭtamabil užo adbuksavali na štrafstajanku.
Pretendentka ŭ kandydaty Volha Kavalkova paviedamiła pravaabaroncam, što siabra jaje inicyjatyŭnaj hrupy Valancina Frałova zatrymała milicyja.
U Homieli zatrymany siabra inicyjatyŭnaj hrupy Śviatłany Cichanoŭskaj Alaksandr Šabalin. Jamu ŭručyli pozvu i skazali, što treba prajechać u adździaleńnie. Paśla Alaksandra Šabalina advieźli ŭ Navabielicki RAUS, nibyta jon źjaŭlajecca śviedkam pa spravie ab kradziažy. Načalnik RAUS skazaŭ aktyvistu, što ŭ jaho jość niekalki spraŭ, pa jakich jon moža zatrymać Šabalina ŭ jakaści śviedki.
Zatrymany Alaksiej Daminkoŭ. Brat Alaksieja paviedamiŭ, što chłopca pilnavali supracoŭniki milicyi ŭ cyvilnym, a potym zatrymali. Milicyjaniery nie pradstaŭlalisia, a zatrymanamu zaviazali ruki ramianiom.
Bratu zabaraniali vieści videazapis. Ale Alaksiej Daminkoŭ paśpieŭ skazać, što jaho zatrymali, kab jon nie patrapiŭ na pikiet pa zboru podpisaŭ za Śviatłanu Cichanoŭskuju.
Ciapier pad domam samoha brata — Paŭła Daminkova — kala 2.5 hadzin dziažuryć mašyna z supracoŭnikami milicyi, zaparkavanaja nasuprać jaho asabistaha aŭtamabila.
Stała viadoma, što Siarhiej Masłaŭ pajechaŭ a piataj ranicy z Čačerska ŭ Homiel, kab pastavić podpis za vyłučeńnie kandydata ŭ prezidenty. A 13-j hadzinie dnia pierastaŭ vychodzić na suviaź. Uvieś hety čas pad jaho domam dziažurać milicyjaniery. Raniej Siarhiej Masłaŭ adbyvaŭ administracyjny aryšt u 15 sutak za ŭdzieł u niesankcyjanavanaj akcyi 7 traŭnia.
-
Maładaja siamja z Žodzina raskazała, jak u čatyry razy skaraciła vydatki na ježu
-
Cichanoŭskaja źviarnułasia da ŭkraincaŭ: My, biełarusy, viedajem, što takoje Rasija. My viedajem jaje impierskija apietyty
-
Žychary doma ŭ «Minsk-Śviecie»: Tempieratura ŭ pakojach — nižej za 18 hradusaŭ, śpim pad dźviuma koŭdrami
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary