U adroźnieńnie ad minułych niadzielnych mitynhaŭ, siońnia na «Maršy spraviadlivaści» ŭ Homli było šmat supracoŭnikaŭ AMAP, jakija raśsiakali kalonu, zatrymlivali ŭdzielnikaŭ, piša «Radyjo Svaboda».
Spačatku ludzi tradycyjna sabralisia kala ŭnivermahu «Homiel» i pačali ruch pa vulicy Savieckaj. Kala budynku haradzkich arkiestraŭ ich čakaŭ AMAP, jaki pieraharadziŭ darohu. Ludzi pierajšli na inšy bok vulicy, ale i tam trapili ŭ pastku.
Kalona pajšła pa praspekcie Pieramohi — tam taksama ludziej čakaŭ AMAP. Adbyvalisia kropkavyja zatrymańni. Narešcie ludzi sabralisia — niekalki socień čałaviek na płoščy Paŭstańnia — i rušyli ŭ bok płoščy Lenina. Kala cyrku jany prarvali šerah AMAPu i pajšli dalej, ale na skvery Hramyki im znoŭ pieraharadziŭ darohu AMAP.
U vyniku marš prachodziŭ ad skveru Hramyki da cyrku. La cyrku AMAP pačaŭ ludziej adciaśniać, a potym zatrymlivać. Ciapier viadoma nia mienš jak pra 20 zatrymanych.
Palityk Vasil Palakoŭ viartaŭsia z maršu dachaty, jaho zatrymali kala domu. «Za mnoj sačyŭ milicyjant, jechaŭ razam u tralejbusie», — raskazaŭ palityk.
Žycharku Homla Kaciarynu Makuškinu zatrymali prosta ŭ kramie kasmetyki. Zatrymali i aktyvistku Śviatłanu Narskinu.
Vidavočcy taksama raskazali pra brutalnaje zatrymańnie maładoj žančyny. Jana zdymała na kameru supracoŭnikaŭ milicyi.
«Milicyja nalacieła na jaje i vybiła z ruk telefon. Jana vybiła ŭ ich z ruk racyju. Pačałasia šturchanina. Za žančynu zastupiŭsia nieviadomy mužčyna. Ale žančynu ŭsio-tki zatrymali. Jašče adnu dziaŭčynu schapili ŭ dvarach na Savieckaj», — skazaŭ «Svabodzie» žychar Homla Juryj.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary